المشاركة الأصلية كتبت بواسطة La isla

حياك الله أختي..
أنا عارف كلامي قد يكون غريب عليك كفتاة.. لكن تخيلي معاي لو بنت دفعت مبلغ كبير لشاب عشان تتزوجه ثم بعد الزواج تتنازل عن كل شيء عشان تنفصل عنه.. حتى حضانة الاطفال وتصير تصرف عليهم كل شهر وهي ما تشوفهم.. هل ممكن تتزوجين هذا الشاب؟! هل ممكن تثقين فيه؟!

طيب لو جاك واحد وقال لك يعني الشباب الثانين تضمنينهم؟! تحسين أن كلامه جداً شاطح ومضحك وتفكيره سطحي جداً!

هذي نظرتي للمطلقة، ما طلقها زوجها إلا وفيها مصيبة مهو قادر يتحملها.. صحيح أني ما أضمن البكر 100% بس أثق فيها أكثر بكثير من وحده سبق وأن تخلى عنها زوجها واستغنى عن المهر والهدايا ووووو عشان يفك ربط اسمه باسمها..
أما نظرتك للمطلقات اللي حولك شيء طبيعي تكون كذا لأن طليقها ماراح يفضحها إذا كانت أم لعياله! بينما هي شيء طبيعي تطلع كل العيوب اللي فيه للناس هذا زين اذا ما جت على انها تتبلى عليه..
طليقتي ما أحد عرف بموضوع خيانتها الا أبوها لما سألني عن سبب الطلاق..



ومن قال لك أنه يعتمد على الرجل؟! يعني لو زوجته تخونه يتبسم في وجهها ويقول ما يخالف أهم شيء لا تسوينها مرة ثانية؟! والا يقول لها أهم شيء لا يدرون عنك الناس وجيبيهم معاك في البيت عادي؟!
شيء طبيعي بيطلقها مهما كان الكرامة فوق كل شيء..
ومو شرط خيانه.. لو كانت الزوجة لسانها طويل وقذر وتسب في كل الناس هذي إيش الحل معاها برأيك؟!



مو شرط، فيه أسباب كثيرة لهذا الشيء ومهي بيد البنت أو الولد تخلي الشباب يتجهون للبكر..
مثلاً ايش الأفضل إني أتزوج امرأة مطلقة والا بكر خصوصاً إني دافع دافع؟! ليش أتزوج وحده عندها تجارب سابقة سواء جيدة أو سيئة مع زوج آخر؟!
ثم الرسول قال هلا بكرا تداعبها وتداعبك وحث على الزواج من البكر..



مثل ما قلت لك بالأعلى.. أغلب المطلقين يجي في بالهم أن المطلقة ما استغنى عنها زوجها إلا وفيها عيب.. أنا بيوم من الأيام كنت أقول نفس كلامك ليش النظرة هذي للمطلقة والمطلقات مسكينات.. لكن بعد ما طلقت عرفت أن هالنظرة ما جت من فراغ..



حطي في بالك شيء.. كل رجل يخون زوجته فهو يخونها مع امرأة اخرى..