اقتباس:
المشاركة الأصلية كتبت بواسطة نور الإيمان
أسأل الله ان يفرج همك ويهدي بالك ويشرح صدرك وينور دربك
|
هلا عزيزتي نور الايمان سعيدة بمشاركتك الله يجزيك خير فهمت قصدك كويس
الله يعطيك العافية يارب
عزيزتي بالنسبة لمشكلة مدارس الاولاد لسه ما سجلهم في المدرسة
صارلهم شهر في البيت جالسين الاولاد
انا لو يسجلهم في المدرسة الظغط شوي بيخف عني
لانهم على طول بيتخانقوا مع بعض
بيحكي ما عنده فلوس يسجلهم
حكيتلو طيب تدين المبلغ من أي حد واعطيه شيكات
قالي ما بحب ادين
حكيتلو طيب انزل فلسطين وبيع قطعه ارض من اراضيكم وتعال سجلهم
قالي اعتبريهم زي اطفال سوريا عندهم حرب
سبحان الله
عنده تبلد في المشاعر والاحاسيس
بحكيلو من يومين لو لا سمح الله ولد من اولادك مرض ومرضه خطير
ولازم الحين يعمل عملية شو بتعمل
اكيد راح تروح تدين او تدبر امورك صح
قالي لا اخليه يموت احسن
انسان معدوم المشاعر والاحساس
ومازال بيرمي بكل مشاكله على الناس لانه واحد فاشل
اشتهيت مرة يعترف انه مقصر بحقنا وانه ظلمنا
اشتهيت مرة يحكيلي سامحيني انا غلطت بحقكم
دائما بيحكي انه زوج اخته هو سبب اللي صار
سبحان الله زوج اختك قالك روح خون اربع سنين
وزوج اختك قالك روح تزوج وانت في غربة وظروفك المادية صعبة
وزوج اختك اللي قالك خذ قرض واعطيه للخبيثة
الله المستعان
الله يفرجها على الجميع امين