ياحبيبتى الغالية دة مش زوج ولا دة عايز زوجة انا قرات قصتك وكل الردود دة مايصلحش للزواج انا بقولك لانى حاسة بيكى انا حاليا بنفصل عن زوجى بالمحكمة وانا بقالى فى بيت اهلى سنة 4 شهور تعرفى انة بعد 6 شهور من قعدتى فى بيت اهلى طلب نرجع لبعض تانى عشان اتحكم عليه فى قضية الضرب بى 6 شهور حبس المهم دلوقتى هو اتجوز من 4شهور واللى عرفتو انة كان راجع ليه تانى عشان اسحب القضايا من المحكمة وبعد كدة يقولى امك فالعش ولا طارت يعنى هيرمينى فالشارع انا وبنتى وتكون كل حقوقى خسرتها فهمتى قصدى ايه ابو ابنك دة من نفس فصيلة زوجى نصيحة من اخت تخاف ان حقوقك تضيع منك وتخاف على ابنك من البيئة الفاسدة اللى ابوة عايش فيها صلى صلاة استخارة وتصدقى وادعى الله ( سبحان الله والحمدلله والله اكبر على قدر ماتقدرى فاليوم_ لا اله الا الله وحده لا شريك له له الملك وله الحمدوهو على كل شىء قدير_ الاستغفار _ والمدح فى رب العالمين والثناء عليه ) اعملى دة وصدقينى ربنا هينور بصيرتك وهينزل السكينة على روحك وطمأنينة النفس وراحة البال زوجى كان بردو يعرف واحدة وكان على علاقة غير شرعية معاها وكان ماشى ورا كلام امة واختة وانا بردو طلبت منة انة يكتبلى نصيبة من بيت اهلو باسمى مرضاش وبردو مرضاش يكتبلى نصيبة من قطعة ارض زراعية باسمى والله انتى بتحكى كإنك بتحكى عنى انا صدقينى اللى زى زوجى وزوجك فى طبعهم الخيانة والغدر فبلاشه اسمعى كلامى وفقك الله