اقتباس:
المشاركة الأصلية كتبت بواسطة Beta2
الحمد لله 
معاها حق يا ساندرا ..لا تنسي أن ابن خالتك طلع وجواز أخوكي معاه
ساندرا حبيبتي ركزي على الحوار مع اخوكي ... خلي أبوكي واخوانك يتصرفوا بطريقتهم وانتي تصرفي بطريقتك وان شاء الله جهودكم مجموعة بتجيب نتيجة
ارجعي لردودوي حبيبتي وخذي منها مفاتيح ومحاور نقاشك مع اخوكي اللي قلت لك عليها .
ليتني أقدر أتواصل معاه كان كلمته ... أعرف تماما شعوره وأعرف عن الموضوع لأن مثل ما سبق وقلت لك كنت بمكانه وعندي نفس مشاعره
اخواني واحد منهم ترك جامعته وراح شارك بحرب اكتوبر بال 73 بمصر والثاني كان بعمر أخوكي لما هرب من البيت وراح يحارب بلبنان بالثمانين ونزل عمل عملية بالقدس وانحكم 90 سنة بسجون الاحتلال ...
كل واحد فيهم دفع الثمن غالي وادرك بعد فوات الوقت انه احنا كمجتمع وقادة لسه ما نضجنا ولا انصلحنا بحيث يتخذ شبابنا هذي الخطوة ... مع انهم عملوا حاجة وجهادهم حقق شيء من أهدافه لكن لو كان تخطيط صح لكانت تحققت اهدافهم كلها فما بالك بوضع سوريا اللي مو واضح فيها الحق من الباطل
معاه انه واجبنا كمسلمين لكن مو وقته ... لازم اصلاح الذات أول حاجة .. نبدأ بأنفسنا وباللي حولنا ونزرع فيهم المبدأ والفكرة ونتطور ونتوسع شوي شوي مثل ما عمل صلاح الدين بالضبط |
لحد هذة اللحظة ولد خالتي مارجع للبيت واخويا نايم عندنا
خالتي مسكينه ارتفع عندها الضغط والسكر
اخواني شلتهم من حسبتي تمامآ ياخاله بيتا من البداية ولكن بعد كلامك معايا جربت اتصلت على اخويا الكبير يشتغل بالجوازات وممكن يسهل لنا موضوع منع السفر مااعطى كلامي اي اهمية وقفل الخط،،، اخويا الثاني لا حياة لمن تنادي هو من وصل الخبر لأبويا عشان يرتح من هم المسؤولية مع انو عنده وكالة ويقدر يسوي منع السفر بنفسه،،، الثالث وهو اللي جاب لي الجلطة واقرب واحد لأخويا هذا يقولخليه يروح لسوريا انا ابغاه يروح لا عيب ولاحرام على الأقل يشفع لنا قالت ماراح يُستفاد منه قال عادي لو يسوي لهم القهوة والشاهي يخدم المجاهدين شفتي المنطق كيف،،، وكملها عليا قال اخوك ترك الكلية وترك شغله ووننتظره يرجع لنا يدور الريال،،، قلت يمكن طريقه مافيه رجعه ،،، قال هو اختار،،،، المخطئ في عائلتي يموت ماله مكان خلاص،،،، لاحول ولاقوة الا بالله،،،،
خاله بيتا جالسه انتظره يصحى وبرجع لردودك وبحاول اتفاهم معاه،،، اسعفيني بأي شي اضافي والله مااستغني عنك