نور الايمان

انا ما اقدر اجزم باني مثلا ما أحبه !؟؟؟؟
لكن بسبب عدم ثقتي به .. و حتى لا انصدم لاسمح الله باي شي منه ..
فأقنع نفسي و احاول .. اني احسس حالي بانه ولاشي بالنسبة لي ..

لكن فعليا فعليا و جربت الشي هذا ..
لما يغيب عننا .. او جواله يكون مقفل بسبب انتهاء البطارية .. او اي سبب ..
ما أقدر اتوقف عن التفكير فيه ..

و هو لما يكون بالبيت .. لو بينام يبغاني جنبه اجلس ..

لكن ما اعرف ليش .. لما اشوفه؛ تختفي كل الامور هذه !؟؟؟
يعني احس لما اشوفه انه شخص عادي .. ممكن الاستغناء عنه بأي لحظة ..

.
.

انتقادي بداخلي لاهله ..

فباعترافهم .. و حديث سلفتي معاي .. سلفتي عاشت معاهم 20 سنة ..
انه زوجي مختلف عنهم كثير ..

لكن لابد اني اشوف تشابهات بينه و بينهم ..

مثلا استحقاره للشغالة .. هما كذا برضو ..
مرة رحنا الاستراحة و من يوم صحيت الشغالة و هي ترتب و تنظف عشان بنروح خلاص و الاستراحة خاصة باهلي ..
فلازم اتركه نظيف ..

انا ساعدتها بالتنظيف و رحت الم القمامات الله يعزك و رحت تحت الشمس ارتب و اساعد ..
و قلتلها افطري و كلي شي ..

بعد مالشغالة جمعت القمايم في كيسين كبار ..
و خلصت شغلها .. راحت تبغى ترميهم برة .. و لازم تمشي مسافة ..

قلت لزوجي ساعدها حرااااااام ..
قالي خلاص هي توديه بنفسها

قلتله حرام .. شمسسسسس و حر و من اول بتشتغل ..
قاللي ليش اسمها ( شغالة ) ؟؟؟

قلتله حرام عليك .. ارحمها .. عشانها فقيرة و محتاجة فلوس نروح نعذبها ؟
ماعجبه الكلام .. بس راح يتأثر .. لانه تغير نوعا ما عن زمان ..

.
.

المهم ..

بس اضافة .. عشان لا احس بتأنيب الضمير ..

صح اهلي جديين بالحياة و العمل ..
لكن زوجي يتميز عن الكل .. بتعامله الرقيق و اللطيف و مشاعر الدفئ معه ..
يعني اهلي كويسين في كل شي .. لكن مرات يجرحوا بالكلام و خاصة وقت الغضب .
و يزعلوا من اي شي .. عكس زوجي ..

زوجي ماخد الحياة بسلاسة و بساطة ..
لكن ماعرف ايش يخبي وراه .. هذا الي يتعبني ..