المشاركة الأصلية كتبت بواسطة اللقيا في الخلد

السلام عليكم ورحمة الله وبركاته.*
حي أم خلودي نورتينا بطلتك البهية.*
شوفي يابعدي أنتي لكل قاعدة شواذ ، ماهو*
كل المجتمعات تنظر للحرمه انها ناقصة إلا من *تنقصه الثقافة الدينية ومفهوم نقصان العقل والدين معروف وأوضح ذالك حبيبنا محمد صل الله عليه وسلم. لكن مشكلتنا البعض ماه.*
فاهم معناها. لذالك تجدينه على الطالعة والنازلة المرأة ناقصة عقل ولا اسكتي الرسول قال فيكم كذا وكذا. *طيب افهم معناها قبل ماتقولها.*
لكن فيه بعض المواقف من الحريم صراحة تنرفز يوم يكون همها السوق والطلعات والزيارات. مااقول لا تخرجين لكن بحدود.*
وبعضهم صراحة جلساتهم تجيب الهم كلها حش بخلق الله لازم تشاركينهم بالحش ولاتصرين إنسانة معقدة يكرهون جلستك.*
عني تعجبني الجلسه مع اخواني وخوالي محارمي أحب اجلس معهم لانه كلها ضحك ووناسة نمزح على بعض نسولف بأشياء مشتركة نلعب كورة طبعاً يخلوني حارس ولا أجيب الكورة اذا طلعت برا . اذا تجمعوا اروح اجلس معاهم. عاد يتريقون علي امسميني ( ام تركي ) قريبة لنا تحب تجلس مع الرجال اكثر من الحريم. أمي تقول الظاهر ضحكت بها.*
وما انكر فيه مجتمعات تقدر المرأة وتأخذ برأيها ولا عمري سمعت أحد يقول ناقصة عقل ودين. إلا بالمنتديات أحيان ماتوا جيل هال كلمة الحمدلله. *
أعرف واحد يأخذ براي أهل بيته زوجته وبناته*
مرة قال لوحدة من بناته وش أسباب كثرت مشاكل الجيل هذا عن الجيل اللي قبل ماكنت فيه مشاكل كثيرة بين الزوجين مثل ماهي بوقتنا الحالي ( قالت له ؛ يبه لانه رجال الوقت هذا بس جالسين بالبيت بوجه الحرمه فطبيعي*
يكون بينهم مشاكل فاضيين كل واحد ينظر فم الثاني بس تصدر كلمة ويسويها مشكلة.*
رجال قبل يشتغلون ويوم يجي آخر الليل بس يدور الفراش والهدوء وزوجته تقدره وتوفر له سبل الراحة. ).. أعجبته الاب ونقلها لأصحابه قالوا: والله انها قالت كلمة تخط بماء الذهب.*
وابشركم عملوا بالنصيحة وصاروا قليل يجلسون بالبيت و ماصار فيه مشاكل كثيرة مثل قبل. ( هذا تحليلي أتوقع والله اعلم. )..*

وسلامتك ام خلودي. ولا عاد تقومي بمثل هذه الحملات ترا هذا اللي يفتح عقولهم ونرجع للعصور المتخلفة. الحمدلله كل شي تغير فيه منهم اللي يقولون ناقصة عقل ودين وينهم خليني افهمهم وش معنى ناقصة عقل ودين.*