المشاركة الأصلية كتبت بواسطة أم سلطان1

هلا ندوش حياك معليش ترى ماشفت سؤالك إلا متاخره توني لما دخلت اشوف اخر مشاركاتك لأنه احب طبخاتك كثير وقلت خلني اشوف وش طابخه الشيفة ندوش ودخلقت لقيت سؤالك بالنسبة للحم تتبيله بالكركم وبهارات اسمها بهارات الطائف والملح نحطه بعد ماينضج اللحم بالتنور نحط ملح خشن لا خلاص استوى اللحم ارفع الغطاء من على التنور وانثر الملح عليه بشكل عشوائي وارجع الغطاء عشر دقائق او ربع ساعه واطلعه بس للأمانه الحنيذ هذا مو انا اللي سويته انا بس أكلته هههه زوجي هو اللي قطع اللحم وحط البهارات وحط الحنيذ بالتنور وطلعه بعد ما استوى وجهزه وصرفه على الصحن انا بس طبخت الرز والإدامات والسلطه واستلمت مكاني على السفرة


معناته ماتنفع غير بالتنور لها نكهة خاصة عاد بيت عمي ابو زوجي معاهم تنور ان شاء الله نسويها يوم مع اني ادري اختي بتقول ليه نطولها وهي قصيره
الله يخلي لكم ابو سلطان سند وذخر بعد الله ويبارك فيه

أبحثي وشوفي والله على حسب ماسمعت وفهمت إنها مضرة للأطفال الصغار ولا قبل ما انتبه بنتي عمرها شهرين وانا جالسه اغليها لها وارضعها منها والبنت ادمنتها كان تطلع ريحتها حتى بشعر راسها هههههه ومرة تعبت الصغيرة وديتها المستشفى وعملوا لها تحاليل وحصلوا عندها زيادة في صفائح الدم وجلسنا فتره نراجع بها للمستشفى يسون لها تحاليل حتى نسبة الصفائح رجعت طبيعيه وماكان عندي علم مسبق عنها انها الحلبه تأثر على الصغار وحتى ما انتبهت بس كذا وقفتها عنها فتره وعملت لها التحاليل والحمدالله رجعت طبيعيه نسبة الصفائح وبعدين تذكرت لما سمعت انها ماتصلح لصغار وحتى للكبار كثرتها مو بزينه لهم عاد انتي ابحثي وشوفي بنفسك وربي يخلي لك ولدك وبناتك لو عندك بنات ويصلحهم ويهديهم يارب

الله يجزاك الجنه يالغالية منك نستفيد اول مره اعرف هالمعلومات ماقصرتي نبهتينا

ماشاء الله تبارك الله عليكم بالعافيه شكلها حلوة واكيد طعمها ولا في الخيال بالذات الفتة ابغى طريقتها لو ماعليك كلافه ترى انا من محبين وعشاق الأكلات الشعبية لمذاقها ولفائدتها ولغناها بكل العناصر المفيدة للجسم بالذات اي اكلة يدخل في تركيبتها دقيق البر هاذي احلى وافضل اكله صحيا

وتسلم يدينك يالغالية ولا يحرمنا من إبداعك وطبخاتك اللذيذة