الله يجزاكم خير جميعاا

والله لايحرمنا اجر تعبنا والله الحمل اشق واصعب من الولاده رحله تعب تسع شهور ماهي سهله بس ربي يهونها

اختي اللي تقولي الوحم مايسوي كذا تدرين اني اخف حاله من خالاتي والله يتنومون شهر شهرين جفاف من كثر الوحم
اذا كان وحمك نوم بس احمدي ربك وماشاءالله ربي لايضرك

بولدي الاول وربي اقبلت ع الموت كم مره كنت اتقلب الليل واتشهد وبحملي الثاني اضحك ع نفسي قلت مافيه شي اسمه وحم كنت بس نفسيا وبزر واول حمل والحين الثالث تعبت قلت الدعوه فيه وحم اجل بس حمل عن حمل يفرق

مع العلم دايم ادعي ان الله يجنبني تعب ولدي الاول ولايعيد ذيك الايام علي ابد من شده ماشفت

اتمنى انام واصحى الاقي نفسي خلصت الثلاث سهور

الحمل والثقل والتعب كله في كفه والاستفراغ ع معده فاضيه في كفه الم الم مايحسه الا اللي جربه
تخيلو اطبخ لزوجي وعيالي بس ماحط بفمي طبخي اطلب لي من برى اقرف من اكلي

قبل اتقبل اكل شغالتي ولاني اخذت عليه كرهته اذا شفته تقصص او تجهز ودي اذبحها
هو الموضوع احس اغلبه نفسي وتوهمات لاني سالت الدكتوره قالت مو كل الحريم يتوحمون وحمل عن حمل غير
والمشكله كرهت بيت اهلي جلست اسبوعين مادخلته قارفني مره اقول ل امي اتخيل حتى الكنب حق صالتك واكرهه
قالت ذا مو وحم ذا هبال تقول ماتبينا ننقل من بيتنا تعقدت ياعمري هههههههاي


الدكتوره صارفه لي نيفادوكسين حقت الغثيان كانت كويسه بالبدايه الحين ماكني اكلتها مالها دور


تدرون وش اللي تعبني وجبه الفطور والغداء مادري وش اكل
الرز السمك الدجاج اللحم ماعاد اكله
الفول العدس البان كيك البيض ماعاد اتخيلها

اقترحو علي شي يوكل الصبح ولاياثر ع الكبد صار كل همي مااستفرغ ودي اقعد بلا اكل بس ماستفرغ

يارب تعدي هالشهرين بسرعه من غير شر

الله يسعدكم بنات ويجنبكم الوحم في كل حمل يارب