رد : خطيبتي والانستقرام .. ماذا افعل
والله يااخويه بخبرك تجربتي يمكن بتفيدك في الموضوع قبل لاارتبط
عندي انستقرام 1800 يوزر كلهم اجانب واسيوين ماخليت شي ماصورته ه صورت ايدي وريلي وحركات البنات ماسكه سكان سياره ماسكه الكوفي مسويه حركه ثري بيس في كل مكان اروحله وكل شي اشتريه اصوره حتى ثيابي اللي اشتريهم اصورهم سواءن كانت عاريه او غيرها وانا بكون مع واضحه ..
حتى مقاطع الفيدو صورتها في البيت برى البيت في السياره في الفندق في المطعم في كل مكان اسيرله اصور فيديو
عقب ماملجت ريلي قام ينصحني احبح واغار ومابا حد يجوف شي منج والحمدلله رضيته وتركت الانستقرام ..
تخيل يااخوي ماخليت شي ماصورته لدرجه قمت اصور نفسي او اخلي البجكارات يصورني وانا حاضنتلي قطو او ابوسلي ارنوب او احضنلي يهال اللي في المولات في اﻷلعاب او معطيه ظهري للكام بس مااطلع ويهي بس واليوم اشتاق لانستقرام واتوله عليه بس مابا هالشي التافه احطه في خاطر ريلي حبيبي ..
من كلامه اللي كان يقولي انتي تضحكين مع ها وتتغشمرين مع ها وهذا يمدح ذوقج والثاني يشجعج والثالث يقولج استمري صورج قريب بتنزل اكسبلور وغيره يقولي ابا اجوفج اذا زرتي بلدي ووووو .. بالنصيحه يااخوي بتتبعك البنت اذا تحبك ويهمها زعلك
.
والله يااخوي غيره زوجي من غيرتي .. بالرغم انه واثق مني
التعديل الأخير تم بواسطة بنت بوظبيxAD ; 02-11-2013 الساعة 06:20 PM