لا ياقلبي هو نفذ بدون ما يهدد .. يبدوا لي انه متزوجها قبل خروجي من البيت بشهر .. زواج مسيار او شي مثل هذا .. الله اعلم ..لأنه تزوج مسيار سابقا وطلقها .. واعتقد انها تسكن في مدينه غير مدينتي .. لأن في الفتره الاخيره ( شهر شعبان بالتحديد ) كثرت سفراته لهذه المدينه بحجج غريبه مره يقول خالته مريضه .. ومره ابوه يحتاج يخلص له بعض الأعمال .. للعلم اهله يسكنوا في المدينه الثانيه .. وكل مره يقول حجه .. وانا اصدقه على نياتي .. عنده اسلوب عجيب غريب في الاقناع .. والله يا أختي لولا اسلوب وطريقته في المرواغه واللف والدوران هذا لما تحملت دين ( نص مليون ريال ) بسببه .. افضالي عليه كثيره .. بس للأسف طلع إنسان ما يثمر فيه المعروف .. إنسان شهواني يحب سيرة الحريم واخبارهم .. له اكثر من صديق متزوجين مسيار ..

طبعا انا حاليا في بيت اهلي بدون اطفالي .. خرجت من بيتي 20 رمضان وسبب خروجي شكي فيه بأنه متزوج او له علاقات .. كان كثيرا ما يدخل المجلس ويقفل الباب ع نفسه بحجة النوم ..

قبل اسبوع جات رسالتين على جوالي .. نصها :
الرساله الأولى ( الفلوس ما تمنع الرجال من الزواج )
والرساله الثانيه ( فلان تزوج قبل رمضان والعروسه فبيتك وعند بناتك )

طبعا ماصدقت ولا كذبت الكلام لأني اتوقع من هذا الانسان م كل شي .. واي شي ..

كل مشغوله وقتها ولم ارى الرساله الا اليوم الثاني وكان ردي ( الف الف مبروووووك .. انا عارفه كل شي .. والله بدعي له من اعماق قلبي بأن ربي يوفقه في حياته الجديده .. وبالنسبه لي موضوعي منتهى من زماااان )
كان هذا ردي على الرسالتين ..

كلمت اخوى الكبير بالموضوع .. وقبل يومين دق اخوى عليه يعزمه ع زواج ابنته .. وسأله هل تزوجت قال نعم .. وذكر له موضوع الرساله حلف بالله وانكر انه ارسلها وقال انه ربما جارتنا هي من ارسلتها .. للعلم هو له مشاكل مع زوج هذه الجاره .. وانا اعرفها هي انسانه ملتزمه وتخااااف الله ولا اتوقع منها هذا الشئ .. كيف تعرف بالموضوع وهم مالهم علاقه ابدا بزوجي بسبب مشاكله معهم

تحليلي للموقف هو تزوج قبل رمضان .. واختارها من نفس المدينه اللي يسكن فيها اهله .. حتى يسهل عليه السفر كل فتره بحجة زياره اهله .. هو ما كان متوقع خروجي من البيت .. لأن يوجد مشاكل بيننا لكن مافي اثبات او شي يدل على زواجه ..

مسكين روميو الهيمان .. بيعيش قصة حب ...

طبعا كان في نيته تمشي حياتنا عادي .. عايشين كازواج .. واجلس انا في البيت اتحمل تطنيشه واربي البنات واطبخ وانظف البيت .. وهو وقت الاجازات ( جمعه وسبت ) يطير لمعشوقته سندريلا ..


حقيقي والله مو زعلانه عليه لأنه انسان مخادع .. استخرت الله كثير .. وكلمت محامي بخصوص المبالغ وقرض السياره .. عشان يقدمها للمحكمه .. وحاليا بجهز اوراقي الوكاله وايصلات التحويلات من حسابي لحساب هذا الزوج المخادع .. ويتفاهم هو مع المحكمه .. سداد او سجن .. اذا انتهيت من هذا الموضوع راح اطالب بالخلع .. وخلي شهوته تنفعه !!

__________________
Hug