ههههههه ضحكني ردك ..
الله يفرج همك ويريح قلبك ..

الشي الغريب واللي منزعجه منه جدا ومقهوووووره بسببه .. بعد اتباعه لطريقة اللف والدوران .. المتميز فيها جاء يشتكي من سيارته القديمه المتهالكه ومن خراباتها الكثيره .. عمر سيارته 10 سنوات او اكثر واشتراها مستعمله وكان يسافر فيها كل مكان .. رااح معرض السيارات وجاب كتالوج للسياره اللي يبغاها واخد يمدح في مميزاتها .. عرض علي اطلع له قرض .. كان وقتها يتكلم بصوت عالي ويصارخ .. وانا خفت منه .. كان في بداية زواجنا .. ما عرفت شخصيته .. خفت من الطلاق لأني مطلقه سابقا .. وعشان يسوي نفسه امين وبخاف الله طلب مني استخير .. رحت البنك واخذت القرض وحولت له المبلغ واشترى السياره .. كانت موديل 2010 موديل السنه .. طبعا السياره صارت لأهله واخواته وخالاته وتمشياتهم .. ومشاويرهم .. ولمعشوقاته زوجات المسيار .. يسافرهم بالسياره اللي دفعت فيها دم قلبي .. والله ما شفت دنيئ نفس مثل هذا الإنسان .. !!

هو رفض تكون السيارة بإسمي بحجه المرور والمخالفات .. وافقت

حسب كلامه عن نفسه هو درس الجامعه 3 سنوات وبسبب غيابه الكثير تم طي قيده .. بسبب مشاكل مع والده .. يقول كثيرا ما تعرض للضرب والطرد من والده .. يقول بأن بينهم سحر .. انا اصدق كل شي يقوله .. بس انا حقيقي لاحظت كره والده له ..
المهم بعد فتره درس من جديد في المساء وتخرج
تزوجته وهو اولى جامعه .. اكمل تعليمه ثم قدم ع الماجستير وتم قبوله .. تحملت كثره خروجه من البيت بسبب المذاكره .. يقول كان يذاكر عند اصحابه او في المسجد القريب من البيت .. تحملت وسكت لأنه دراسته وتخرجه يهمني .. هو موظف راتبه 6000 الآف واذا حصل ع الماجستير واكمل الدكتوراه يمكن يتحسن وضع وظيفته ويزيد راتبه اكثر .. نسي تضحياتي ووقوفي جنبه .. انسان ظالم شكاك .. هو غير مؤسوف عليه .. بس زعلانه على بناتي لاني اعرف مدى تعلقه فيهم ماشاء الله ..

اذا حصل الطلاق إن شاء الله .. راح اطالب برؤية بناتي كل اسبوع او اسبوعين ..
بهذه الطريقه اكون تخلصت من هذا الرجل ناكر الجميل .. وفي نفس الوقت ما اتحرم من شوفة صغيراتي

__________________
Hug