السلام عليكم ورحمة الله وبركاته

بغيت مساعدتكم لاهنتو
سأتكلم بشي من التفاصيل لتكون الصوره واضحه لكم

انا متزوجه من 5 شهور
عمري 24سنه وزوجي 30 سنه
متفاهمين الحمدلله بكل شي ماعدا م سأتحدث عنه ،،

بليلة الدخلة لم يلمسني زوجي لان معي عذر شرعي
وبعدها بيومين دخل علي وف بداية زواجي كان متحمس
حتى يقول بكرر هالعمليه مرتين وبعض الاحيان كنت ارفض لان استحي ف البدايه
بس بعد اسبوع وايام تغير حال زوجي صارم يرغب بالجماع ابدا بس يقتصر ع القبل وبعض المداعبات
وقالها لي صريحه السموحه منك احس اني مقصر معج كزوج قلت لاعادي المهم منت مضايق مني المهم بعدها عاادي معه ولو يمر سبوعين م يصير بيننا شي
ولايشتاق للجماع استغربت لان اللي سمعت ان الزوج ببداية حياته
الزوجيه وده بزوجته يوميا وهو عكسهم(ومثل م اشوف مع خواتي انا واياهن متزوجين بيوم واحد)
المهم صار م يصير بينا جماع الا بايام تبويضوبعد اخر دوره صار بينا جماع 3 مرات وقدر الله وصار حمل
ومن صار الحمل(ببداية الحمل صار معي نزيف والحمدلله نزيف متوقف من شهر وهو ماخذ النزيف حجه علشان لايصير بينا جماع)م يقاربني ابدا حتى القبله م يقبلني الا بطلب مني
تجرأت وصارحته بالموضوع ليه حالنا تغير وليه م تحب تكون قربي قال انا تعبان ومهموم(يسلم دين للبنك،ويبني بيت)
وعليّ ديون وكل هالاشياء متعبه نفسيتي من الداخل قلت الكل معه هموم بس م صار حاله نفس حالنا بعدها قلت خاطري احضنك ابي احسك قربك
وانا احضنه قلت مستغربه م احسك تأثرت بحضني .......... والله حسيت بهاللحظه اني رجال وهو الحرمه
قسم بالله ساعتها بغيت اصيح ليه مستحيل فيه احد يقدر يقاوم المراه وهو ي جبل م يهزك ريح
لما يكون بعيد عني مسجات حب وغرام وانصالات دائمه
واذا اكون قربه يصير الحال عادي انا ابادره بالقبله او النوم قربه هو لا (بس اذا كنت زعلانه منه هو يبادر)
والله تعبت من حالي معه
تصرفاته توضح انه يحبني وانا والله احبه وم يرفض لي طلب ويساعدني كثير خاصه بفتره الحمل حتى الفراش هو يساعدني بتعديله بس والله صار فيني برووود ماشي يثيرني ابدا عكس بداية زواجي
وكان ف بداية الزواج ياخد حبوب ملكات النحل اليوم عرفت انها مقويات جنسيه


احتاج مساعدتكم بتششخيص حالة زوجي
هل يعاني من شي ام انا السبب بدون لا اعلم
علما ان
لنا الان 3 شهور لم يحدث بينا جماع(اخر جماع 4/اغسطس)

السموحه ان كان كلامي غير مفهوم او ذكرت تفاصيل زايده بس اردتكم تكونو معي بالصوره

اختكم جنون