حبيبتي ونور عيني انت: واضح انك صغيرة وما عندك احد قريب منك قوي يمسك بيدك ويدلك الطريق الصحيح
عشان كذا لازم تكونين انت قوية، وتعرفين وش تبين وتختارين، وقبل هذا كله تكونين مدركة لحقيقة حياتك الزوجية
والله الذي لا اله الا هو ترى اللي انت عايشته مو حياة زوجية ، ولو تطلقتي فهذا لان ربي يحبك ولا يبيك تتعذبين طول عمرك!
زوجك كل الكبائر مسويها، خمر وكبتاجون وسفر وبنات وضرب ، وفوق هذا كله اهله سيءين معك، يعني انسي تعيشين براحة، الأهل ما يتركون بنت الناس بحالها اذا ما حبوها، حتى عيال ولدهم ما عاد يحبونهم ويصير في النفس شي
يا بنتي انت توك صغيرة، معقولة بتعيشين عمرك كله مع انسان سكير عربيد مو سوي!!!
مشكلتك ما تحير وطريق الاختيار فيها واضح، والله لو يحلف لك الإيمان المغلظة لا تصدقينه زوجك عربيد يبي من يربيه من اول وجديد، هل رح تقومين بهالمهمه على حساب صحتك وأولادك، وانسي انه ممكن يتعدل
زوجك أخلاقه سيءة ، ما ينفع بريال ، حاولي تفهمين هالشي وتقنعين نفسك فيه، ولا تخضعين لأي محاولة للرجعة، وترى انت الغلطانة من البداية لما شفتي الصور بجواله ليش ما نسختيها بجوالك، اللي مثل نوعيته عايش لنفسه وبس وما تفرق معاه يدوس على غيره
والله لو انك بنتي ما أخليك ترجعين له لو تقوم قيامته، ترى بتعيشين في هم ونكد طول عمرك
فري منه فرارك من المجذوم