حبيبتي البيت اللي فيه ذكر الله كثير ودايم ما يأثر فيه السحر ولا العين .. .انتي محصنة بذكر الله وربنا أقوى منها ومن سحرها لو كانت تسحر

اسهتدي بالله وفكري كيف تواجهي هذا الأمر بعون الله وبعيد عن عبيده .. لا أهل ولا زوج .

وعشان نفكر بالعقل والمنطق اسمعي مني ... أهلك تصرفهم يدل على أنهم مستنكرين اتهامك لها ومستبعدين انه يكون صحيح ... وهذا شيء يسعدني لأنه ينفي التهمة عن زوجك واختك ويخلي احتمالية انه ما يكون في شيء بينهم امر وارد ..
مع ان امك كانت تنصحك وتحذرك منها لكنه كان كلام وقت الزعل وكلام يوم كانت معصبة من أختك ... يعني كلام ما قصدته ومو من قلبها .. فلا تاخذي كلام امك وتحذيرها ذاك الوقت على انه جد ...
ولهذا لما قلتي لأمك عن شكوكك عصبت منك ..لأن الكلام سهل لكن لما تصير المسألة جد يصير الشعور مختلف ... يعني يوم كنتو انتي وأمك تقولوا عن تصرفات اختك وتنقدوها كان شي ولما يصير اتهام حقيقي فهذا شي ثاني ...

نجي لزوجك .. زوجك يتصرف تصرف الشخص الزهقان من الموضوع واللي مل منه ويشوف نفسه صابر ومحتسب . هذا تفسير تصرفه يوم يقول لك تصرفي انتي ومالي دخل وطلع . الظاهر من زمان وانتي تعيدي عليه بنفس الاتهام . صابه يأس من وضعك .

قصدي أن أهلك وزوجك ما راح يفيدوكي .. بالعكس راح تفقديهم لو استمريتي على اظهار شكوكك لهم .... ما تشوفيها كيف تسايرهم وكيف تضبط أعصابهم حتى تكسبهم ؟؟؟ تعلمي منها وسوي مثلها وبنفس الوقت اشتغلي على مشكلتك بعون الله واتكالك عليه لحاله سبحانه .

بدك الصراحة انا ما اقتنعت بصحة شكوكك بحسب المعلومات اللي وردتيها بموضوعك لحد الان وذلك للسبب اللي قلت لك بأول رد لي عليكي بالموضوع ... لكن أنا وغيري هنا ما سمعنا كل حاجة ولا عرفنا كل حاجة فالأفضل انك تتواصلي مع شخص متخصص ومعاه وقت يسمع منك كل شيء وتكوني انتي براحتك وتقدري تقولي له كل حاجة .

حبيبتي في استشاريين تقدري تتواصلي معاهم بالتليفون عندكم بالسعودية ومجانيين فليش ما تجربي تتواصلي مع واحد منهم ... وقولي له كل اللي عندك وزوجك ماله دخل .. مو هو اللي قال لك تصرفي ؟؟؟ خلاص تصرفي وشوفي لنفسك يا إما علاج أو تصديق لشكوكك من المستشار الأسري .

سؤال : كم برأيك صارلهم متواصلين بالواتس والتليفون ؟ لأن تقولي انك متأكدة انه مافي لقاءات ومافي اكثر من واتس وتليفون .. كم المدة للحين ؟

__________________