رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة ابغي حل؟
ام سلطان ضروري تقربين عندنا ف دار الزين تستاهلين قهوة مقنده يتفكك منها راسج ،،،،
تسلمين لي فديتج وتسلم دار الزين لمزايينها يا رب.
الله يالدنيا ،، ودج باللي تحبينه و يحبج يدوم لج محبوب !
شفتي كيف تطلعاتي خارقة 
أحس بريلج يحبج وما تهونين عليه بس بعد عاذر نفسه ،،، ع قولة بعلي المصون نحن الرجال نمل من وجبة وحدة طول العمر
لا إله إلا الله .. يا هالوجبة اللي ما بنخلص من طاريها!
ع فكرة أحسبه يداريج بس مش من باب الواجب ،،، يداريج يخاف توصلين لحظة انفجار ،،،
وع فكرة مثل ما تفتشين فونه وكشفتي البلاوي صدقيني الحرمة الثانية سيم سيم بس سأكته ومأكله تبن،،
ويمكن مسوده نهاره وانتي ما تعرفين ،،،، خليها ع الله ،،، ادريبج تحبينه حب البدوي ل بوشه ،، والمحب أناني ودي محبوبه له لحاله ماهي غيره كثر ما هو شئ جميل وحبيتيه يكون لج عالم جميل يعوضج عن كل شئ ،،،،
تشبيهج حلو .. وقريب مني وايد.
مهره حاولي تتماسكين وتعيشين كأنها حياتج توها بدت ،،، غيري الانكسار اللي في ويهج والكل ملاحظه
وأولهم زوجج خلاص خليه يحس انه خسر شئ واللي كان يخافه استوى بس طبعا بدون مواجهه ، خلي روتين الحياة اليديدة تصدمه،،، فهمنا انه مراعنج وما تبين تجحدينه بس قلبج عطيه حقه شوي ،، خليه يصارخ و يتصرف بسسه من الكتمان لا تظلمين بختج،،،
أنا متماسكة لأبعد حد يا أبغي حل ومب مبين علي شي أبداً.
ما أتكلم في الموضوع على الإطلاق ولا أييب طاريه لا بخير ولا بشر.
بالعكس من كثر ما انا ساكتة وما أفضفض بشي احس ان اللي حولي خلاص اقتنعوا اني تأقلمت وتجاوزت مرحلة الصدمة والزعل .. حتى اختي ما قامت تسألني!!
بس تبين قلبي يصارخ شو يقول؟
التطورات اللي صارت ما تبشر بالخير .. وما قدرت أفهم منها إلا ان حالته تزيد سوء .. سواء كانت أزمة نفسية لا إرادية .. أو كانت بمزاجه ووعيه الكامل .. وأي كلام ممكن يصير راح يكسر قلبي زيادة يا أبغي حل .. ويوم أتخيل أي سيناريو ممكن يحصل بيني وبينه بهالخصوص قلبي يعورني لأني ما أتوقع غير المكابرة وقلب الطاولة (وانا مب مقصر معاج)!
ما راح يفهم التأثير السلبي للي يسويه عليّ .. ما راح يفهم انه بتصرفاته يصغّر نفسه في عيني .. فليش أستنزف نفسي أكثر وأنا أدري ان ما في نتيجة؟!
ويمكن كل هالتبريرات مالها معنى .. يمكن أنا فعلاً مب قد المواجهة أساساً!
تحياتي إوختي الكبيرة 
الكبيرة؟!!!!! 
حشا انتو الواحد ما يقولكم شي؟!!!!  |
الله يسعدج يا أبغي حل في الدنيا والآخرة.
__________________
اللهم طِيبَ الأثر .. وحُسْنَ الرحيل.