رد : نوم الرضيع
اقتباس:
المشاركة الأصلية كتبت بواسطة ابغي حل؟
اتعب من السهر ما احبه ،، وعندي بنت ما تحب تتقمط و لا تحب جمامة الرأس ، يا ويحي ماذا افعل ،؟
متى يبدأ ينتظم رقادها يا مهره ،، حبيت هالاسم من محبتي لج و إعجابا بشخصج وأصبحت فعلا ام مهره ،،،:14:
|
فدييييييتيها مهرة باسم الله عليها .. ربي يحفظها الله ويجعلها من السعداء الراضين يا رب.
ما تدرين شكثر أثر فيني اختيارج للاسم .. بس بغض النظر عن شخصي المتواضع .. الاسم وااااااايد حلو .. عليج وعلى مهرة بالعافية يا رب.
المفروض خلال الأسابيع القليلة القادمة ينتظم رقادها .. بس طبعاً بشرط ما يكون في دلع ولا شلول .. لأن الياهل يوم يتعود امه تشيله أو تهزه عشان يرقد يصير صعب عقب يرقد بروحه.
الشي الثاني .. شو يعني الشيخة مهرة ما تحب تتقمط؟ .. ليش هو على كيفها؟!!!
الياهل في هالمرحلة يقحص وايد .. وحركة يده تخليه غصب عنه ينش .. والقماط مفيد جداً لحل هالمشكلة .. وبالتالي نومه يطوّل شوي وما يخترب.
إذا يتي بتقمطينها وصاحت .. خليها تصيح شوي .. مب مشكلة .. غالباً بتهدا عقب شوي وبتسكت .... أو ممكن تقمطينها قبل موعد رضعتها مباشرة بحيث ما تعطينها فرصة تصيح .. وغالباً عقب ما ترضع وتشبع بتكون أهدأ وما بيزعجها القماط.
لكن في نفس الوقت لاحظي ان نومها ممكن يخترب بسبب مشاكل ثانية .. مثل الغازات اللي تكلمت عنها ندى.
فإذا كانت مهرة عندها غازات .. فأقترح عليج تسقينها ماي زمزم .... أذكر شما بنتي كانت تقطع لي قلبي مسكينة .. وسبحان اللي هداني لتجربة ماي زمزم .. كنت أسخنه شوي بس ما أفوره .. واسوي به حليب حق وجبتها الأخيرة قبل النوم .. والحمدلله وااااااايد ارتاحت.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 19-11-2013 الساعة 07:07 PM