رد : هل جزاء الإحسان إلا الإحسان !!![مستجدات في الرد 31، 48، 52]
اقتباس:
المشاركة الأصلية كتبت بواسطة بديع المعاني
لما يوصل الموضوع للقضاء ما بيكون بكفيه يرفض يوفر لك الأساسيات للاستمرار في الزواج ،،،، بصراحة أمرك غريب تحتكمين لشرع زوجك و ناسية ان في شرع رباني يعطيك حضانة بناتك و كافة حقوقك سواء استمريتي معاه أو تطلقتي ،،
|
يعطيك العافيه على حرصك وردك . . انا عارفه زوجي هو في داخل نفسه رافض الطلاق .. ربما والله اعلم بسبب خوفه ارفع قضيه عليه استرجع فلوسي او ربما بسبب خوفه من عدم استمرار الحياة مع هذه الزوجه اللي خربت بيتي حسبي الله عليه وعليها .. الشي الثاني انا مخيره بين رفع الموضوع للمحكمه او السكوت على هذا الوضع وانتظاره الى ان يحن قلبه ويرجع ثاني .. شخصية زوجي غريبه مره حنون وطيب ومره حقود وقاسي .. انسان مذبذب .. هو زعل جدا بسبب خروجي من البيت .. لأن تعرف على هذه المرأه ربما عن طريق النت وتزوجها مسيار .. كان مخطط يعيش في نعيم .. يبغى واحده فاضيه ماعندها اطفال ولا مسؤوليه يعشقها ويخرج معها .. يجدد ايام الزواج .. خروجي من البيت كانت صدمه له لأن خربت مخططه .. جات هي تشيل نفس مسؤوليتي .. الفرق بيننا اني موظفه وهي متفرغه .. زوجي شديد وما يرحم .. يسكت احيانا ع الوضع اذا ما عجبه او ناسبه لكن داخل قلبه ينتقد .. يبغى بيت نظيف واطفال مرتبين وطبخ واهتمام بالاطفال وواحده على سنقة عشره وجماع باستمرار .. بالمقابل هو الحين يدرس ماجستير وبعدها 5 سنوات دكتوراه وهو اصلا مش فاضي لعائلته من ناجيه السفر والتمشيه وكل انواع الوناسه .. يعني يحب يأخذ ولا يكلف على نفسه يعطي ،، قمة الأنانيه .. وانا موجوده في بيته ساكته ومتحمله عشان اطفالي .. هل هذه المرأه تتحمل كل هذا بالاضافه الى العنايه بأطفال من زوجه سابقه .. لا اعتقد !
اختي انا اللي كبرت الموضوع لأني ابغى ارتاح من وجع الرأس .. اما حياة تناسبني وارتاح فيها او خلاص كل واحد يروح في حاله اذا هو مو قد المسؤوليه .. رغم اني قبلت وجود هذه المرأه في حياته .. بسسسس هو عنيد .. الا يمشي كلامه ..
انا اقدر اشكي للمحكمه لطلب الطلاق وعشان حضانة البنات .. انتوا عارفين مواعيد المحكمه وبين كل موعد والثاني شهر .. شي ممل .. وانا موظفه ومو فاضيه لحضور الجلسات .. فأنا اختصرتها وكلمت محامي لأن سكوتي مو من صالحي وممكن ابقى طول حياتي معلقه .. هدفي من وجود المحامي حل الموضوع بدون مشاكل طلاق وله الحضانه او خلع والحضانه لي .. هو بهذه الطريقه عرف اني مالي رغبه فيه يعني في كل الحالتين ابغى الطلاق .. رغم اني قدمت له حل بس هو رفضه .. والحل اللي هو قدمه انا رفضته ..كنت اتمنى البنات يعيشون بيننا .. لكن طالما هو معند .. فكرت اترك بناتي عنده خليه يتعب ويتحمل مسؤوليه هو وهذه المرأه اللي فضلها على استقرار بيته وبناته .. وانا يوميا ان شاء الله استودعهم الله