منتدى عالم الأسرة والمجتمع - عرض مشاركة واحدة - عدة نصايح
الموضوع: عدة نصايح
عرض مشاركة واحدة
قديم 27-11-2013, 01:31 PM
  #1
مارد الجنوب
نائب المدير العام
تاريخ التسجيل: Jul 2011
المشاركات: 11,718
مارد الجنوب غير متصل  
عدة نصايح

يَاصَاحِبِي وَارِد الَأيَّامْ بِالْعُمْرْ صَادِرْ
وهَالدِّنْيَا تَشْبِه بْدورَاتْهَا لِعْبَةْ كَرَاسِي

َلوْ تَعْطِيكْ اليَومْ لِلْبَسْمَةْ بَوَادِرْ
بَاشِرْ تَذْرِفْ الدَّمْع مِنْ هَمّ ومَآسِي

وِشْ هَالزِّمَنْ حَتَّى الْوفَا فِيه نَادِرْ
والغَدْرْ ثوبٍ ِلبَعْض الأَطْبَاعْ كَاسِي

وَالصِّدْق عُمْلَة تَحْكِيهَا فِينَا مَآثِرْ
ضَاعَتْ واْلبَعْضْ صَارْ لِلصِّدْقْ نَاسِي

هَالدِّنْيا مَاتِسْتِحِقّ إِنِّك لَجِلْهَا تْكَابِرْ
هَالدِّنيا بَحْرٍ وشَطّ واخْتَرْ لِكْ مَرَاسِي

أَنْصَحْك عِيشْهَا بِاللِّينْ وجَبْر الخَوَاطِرْ
تَرَى كِلْمَة الطِّيبْ تْلَيِّن القاسِي

واعْمَلْ مِنْ أَمْسِكْ لْيُومِكْ الْحَاضِرْ
لَوْ أَصْبَحْتْ حَيٍّ يْجُوزْ مَاتْكُونْ مَاسِي

وفَرْضِكَ الْوَاجِبْ لَايْكُونْ فِيه قَاصِرْ
واحْذَرْ الْوَيل لَا صِرْت عَنْه مِتْنَاسِي

واجْعَلْ بِرّ الْوَالْدَين مُوجَك الْهَادِر
دُعَاهُمْ يِبْقِيكْ بْدَرْب الْتَّوْفِيق رَاسِي

وَالْبَصَرْ غِضَّهْ عَنِ الْحَرَام ولَا تْنَاظِرْ
شَيٍِّ يِجْعَل الرَّانْ لِلْقَلْب كَاسِي

وخِلْوَتْك أَشْغِلْهَا بِالذِّكْرْ و كُونْ ذَاكِرْ
لِرَبِّكَ اْلمَعْبُود اللِّي بِالشِّدَّة يوَاسِي

وخَلَّكْ ذِيبٍ بْهَالدِّنْيَا و كُونْ شَاطِرْ
تَرَاهَا دَار امْتِحَانْ وفَصْلٍ دِرَاسِي

والنِّتَايِجْ بِتْزِينْ لْيَا صِرْتْ دَايِمْ مْثَابِرْ
وطَرَدْت إِبْلِيسْ ولاَ طِعْتْ أَمْرَه الْخَاسِي

اليَومْ إِنْت بْزَهْرَةْ شَباَبِكْ اعْمَلْ لْبَاشِرْ
واطْلُبْ رِضَا رَبٍّ لِلْإِحْسَانْ مَاهُو بْنَاسِي

اليَوم إِنْت فُوق الأَرْض وعُقْبَهْ مَقَابِرْ
قِلِّي وِشْ قَدَّمْت لْظُلْمَةْ قَبْرٍ أَدْمَاسِي

هَاذْ نُصْحِي وْلَوْ أَصْغَيتْ لِي أَنَا الشَّاكِرْ
وأَظِنِّكْ فِيكْ الْخَير بْصِدْق إِحْسَاسِي

عِدَّةْ نَصَايِحْ خُذْ مِنْهَا اْلإِيْجَابْ ولاَ تْخَاطِرْ
وتِقْبَلْ السِّلْب خَلِّكْ مَع َالسِّلْب دُبْلُومَاسِي

واذْكِر رَبٍّ يِعْلَمْ الْخَافِي بْكِلّ السِّرَايِرْ
واجْعَلْ صَفَا النِّيَّة فِيكْ طَبعٍْ أَسَاسِي

واطْلُبْ حَاجْتِكْ مِنْ رَبٍّ كِرِيمٍ قَادِرْ
لَوْ حَبَّكْ يَجْزِلْ عَطَاكْ بْوَقْتٍ قِيَاسِي

وصَلِّ عَلَى نَبِيٍّ بَين الْمَخَالِيقْ طَاهِرْ
سِيرْتَهْ بِالْفَخْرْوَالْعِزّ تِرْفَعْ رَاسِكْ وْرَاسِي

رد مع اقتباس