السلام عليكم ورحمة الله وبركاته

أبدخل بالموضوع علطول أنا من زمان متابعه لكم هنا
واليوم حبيت أسجل وأستشيركم بموضوع

أنا عمري 33 سنه غير متزوجه متوسطة الجمال مؤهلي الدراسي متوسطه فقط
تقدم لي خاطب عمره 36 سنه متزوج من 7 سنوات وعنده ولد بأولى أبتدائي ويرغب بالتعدد لأنه يبغى عيال زوجته معلمه
مقتدر وسألنا عنه مدحوه الناس عيبه فقط عصبي زياده
أنا ما أرغب بالزواج من متزوج أبداً لاكني أخاف يروح عمري وأنا ماتزوجت وأندم قد شعر راسي
أخواني دايم يعايروني أني عانس ومحد يبغاني والناس دايمن يقولون ليش ماتزوجتي كأنه شي بيدي
أشوف نظرة العطف لي بعيون أخواني وخواتي لمن يتقدم خاطب لأختي اللي أصغر مني
عندي أخت أصغر مني عمرها 25 سنه أخاف تتزوج وتتركني وحيده عند أمي وأبوي وهم كبار بالسن ومرضا بالسكر الله يشافيهم وكل يوم بالمستشفى أخاف أفقدهم وأجلس وحيده أخاف أنحد لزوجات أخواني أخاف من كل شي
للمعلومه الخطاب بأول شبابي كثير حالياً ماعد يجيني خطاب غير كبار بالسن ومتزوجين هذا أصغر واحد تقدم لي
وأخواني يضغطون علي بالكلام أنه محد بيتقدم لي الا شخص كبير ومتزوج
والله العظيم أنها متسكره بوجهي من جميع الجهات

أتمنى تنصحوني وكأني أختكم ولا تزعلون علي يالمتزوجات تراني أنسانه حالي من حالكم أتمنى أعيش يعلم الله أني ما أرغب بالتعدد ولا راح أأذي زوجته الأولى بس أبغا أطفال أخاف يروح عمري وأنا على باب الأنتظار

أتقبل أي أنتقادات وشكراً لكل من تخط يده بالتعليق على موضوعي ،