رد : هل جزاء الإحسان إلا الإحسان !!![مستجدات في الرد 31، 48، 52]
اقتباس:
المشاركة الأصلية كتبت بواسطة أم خالد.
فرح انا أؤيد هذا الرأي
لو اكتب لك من اليوم لبكرة معاناتي مع اولادي بسبب الطلاق راح تعرفين قيمة النعمة اللي عندك
زوجك حتى لو كان أنذل أهل الأرض اصبري عليه مؤقتا لين يكبرون بناتك ساعتها اسحبي على ام امن جابته
لا تضيعين بناتك انتبهي
ارضي بأي شي يقترحه لين يهجد و ينزل اللي في راسه ، معليش سنة سنتين ثلاث اربع
مصيره يتعدل مع الدعاء
احمدي ربك لقيتي احد يكتب لك تجربته ترا تشتت الاطفال مو في صالحهم ابدا
ارجوك لا تهمشين رايي و كلامي عشانهم والله ما عمري اهتميت لاحد الا للحرمة اللي تشاور بالطلاق
وهي عندها بنات مثلك ... لا تهدمين مستقبلهم و مشاعرهم بنفسك
اخاف عليك من الندم اللي قتلني الف مرة و على بناتك من الضياع و الاالام النفسية السيئة اللي راح يتعرضون لها
ولدي الى اليوم و هو يقول ليش تتطلقين من بابا .. الى اليوم و هو يترجاني اطلع اسلم على ابوه
يقول نبغا نتمشى مع بعض بالسيارة ليه يا ماما تتطلقين
كلامه هو و اخته سكاكين تطعن قلبي و ابلعها اقول بكرة تكبرون و تعرفون و في داخلي اتمنى احقق شي من رغبتهم
اصبري عليه ما تدرين يمكن وضعه يتغير .. يمكن الله يهديه تحت اي ظرف و ينتبه لمسئولياته
.لا تفقدين الامل ما دام فيه رب لك
لا تغلطين غلطتي و تجازفين ببناتك
انا كنت اقول بعيش حياتي بشوف غيره تطلقت و الى الحين ما شفت غيره ولاني قادرة
مو لشي لكن ما ابي اكسر اولادي فوق كسرتهم اللي حصلت بعد الطلاق
اتمنى تفكرين بكلامي بعقلك بعقلك بعقلككك يا فرح
تعالي على نفسك و فكري في بناتك
الله يسامحك بكيتيني و ذكرتيني بأشياء انا احاول انساها و اعيش
الله يصلح حالك و يجمع بينك و بين زوجك على خير
|
اختي والله اشعر بمعاناتك .. واسأل الله العظيم رب العرش العظيم ان يفرج همك ويجمعك بزوجك واولادك في القريب العاجل .. اختي انا لا اريد الطلاق وفي نفس الرقت اكره ان ابقى معلقه .. ووجود زوجي في حياتي كعدمه .. وحتى وان لم يحصل الطلاق سيبقى البنات بعيد عني .. والله ما زلت محتاره فيوضعي لا آكل ولا نوم ولا وناسه .. افكر في حالي ونهاية وضعي مع هذا الزوج ليل نهار ..
__________________
Hug