المشاركة الأصلية كتبت بواسطة اللقيا في الخلد

مساء الخير رغدة.
ايه والله من زمان عن القسم أول مرة ينفتح نفسي أشارك.
مدري وش عندي مااحب المشاكل والتشكي ملينا والله.

صح ملينا ولانو ما في نتيجة بس في تحسن ووضع افضل الله يعطيهم العافية

حلو موضوعك مجرد رأي العنوان ما يجذب وحدة تشوفه تقول أعوذ بالله مني منهم ولا شي من هذا.
لو حابه غيري كلمة متأخرات مجرد اقتراح الموضوع موضوعك نحن مجرد زوار.

اقتراح روعة ولك حرية التعديل اذا مروا المشرفين ان شاء الله يعدلوا

نجي للزبدة عني صراحة أمي ما كنت تطلب مني بس أنا من نفسي كنت أحب أدخل المطبخ.
وصولات وجولات بالمطبخ وما يمر يوم إلا أطبخ لي حاجة وبما انه بيتنا ممنوع دخول أكل من المطاعم إلا لحاجة.
تعلمت الحمدلله كل الطبخات والحلويات والاكلات الشعبية وإذا شفت طبخة اتحمس وأسويها.
اللي يشجع بوجود أخواني الشباب ماشاءالله عليهم يحمسوني ويتشهون ويمدحون وأخذت مقلب الظاهر.
خالاتي بكل جمعة وين طبخك أي شي من يدك حلو ؛ أخوي الكبير يمدحني وصدقت عمري يقول الشاهي حلو بس
غطيتي صبعك زاد حلاه. (بعد هالنفخة شفت حالي عليهم وبطلت أسوي إلا بطلب وحب خشوم. )...
لكن الصراحة اكتشفت حاجه إذا أمي زعلت مني أقوم وأسوي لي طبخة تنسى الزعل مني هههه.
اليوم الفجر زعلت شافتني صاحية لبعد الفجر سهرانه ؛ صحيت قبل الظهر وسويت الغدى وتغير المود عندها.
صح نسيت اذكر أول طبخة اللحلوح كنت خامس ابتدائي.