الحين انت لمن تسافري دولة لأول مرة زي لمن تكون ثاني مرة تزورينها،،

هل راح تكوني بنفس الحماس والفرحة،،
في اول سفرة بتتحمسي جدا وبتنغمسي جدا، وبتكثر الأخطاء
نظرا لأنها اول مرة تسافري فيها ..

في رحلتك الثانية رح تركزي اكثر على الأماكن اللي ما
رحتي لها وكيف تتلافي الأخطاء اللي صارت في
رحلتك الاولى، وطبعا حماسك رح يكون اقل ،

نفس الزواج بالضبط
انت وكلنا تحمسنا وطرنا من الفرحة لأننا اول مرة نعيش هذا الإحساس ،،

لكن لمن تكون المرة الثانية تركيزك مارح يكون على ايش ح البس وايش ح ادبش ، رح تفكري بنضج اكثر كيف تعيشي حياتك صح وكيف تحافظي على زواجك الثاني وما تكرري التجربة... الخ

وهذا هو الصح والمطلوب،، الفرحة وعشتها خلاص وما فادتني بشي،،
جا الحين دور اني أكون اكثر عقلانية وأفكر بأشياء اهم..
وأكيد في فرحة وحماس ولو بنسبة بسيطة وخجولة،،
بس في نفس الوقت ما تدخل الوحدة فينا التجربة الثانية وهي مكسورة،، ً
بتثبت للناس ان العيب مو منها وتطيع زوجها بكل ما تملك، وينتابها احساس
دائم انها على خطأ وهو صح بسبب
التجربة السابقة وتتحمل أشياء مو المفروض انها تتحملها .. لااااا طبعا
لازم ادخل التجربة وانا عندي طاقة اني احب وأنحب وأخذ وأعطي
ويكون في قوة وعزة نفس ،،

فانتبهي تدخلي التجربة الثانية ومشاعرك تجاه الزواج الاول لسه ما راحت ،،
لأنك ح تدخلي التجربة الجديدة بمطالب يمكن تفسد حياتك ،. تبغيه يطيب
جرح ينزف، وفي نفس الوقت يثبت لك انه افضل من طليقك وهو ماله علاقة فيه
ولا في تصرفاته،، وهذا بعد غلط ..


فالنضج شي أساسي ومهم في التجربة الثانية
لا محالة،، والفرحة تجي مع الأيام ،، وما تقتصر
على مظاهر الزواج،، لأني عشتها في الزواج
الاول،، مع هذا فرحتي قتلت..