رد : علاقات عائلتي المدمره،،،هل ممكن تترمم بيوم من الأيام؟؟
الشرارة الثانية ياخالتو انكشاف علاقتي بخالد عند اختي الملتزمه (سلوى) وشوفي النصايح والمواعظ،،، وكلمت اختي الثانية ( سعاد) ع اساس انو انا ابغى افضحهم واخرب سمعتهم،،، طبعا هيه ماتعرف انو سعاد تزوجت عن حب،،، ولااحد عنده خبر عن علاقة سعاد بزوجها قبل الزواج،،، تخيلي ياخالتو سعاد سوت نفسها البريئة الئطه المغمضة وقالت انو انا غلطانه ولازم اقطع علاقتي فيه،،،، هينا انا جن جنوني وجلست اصرخ عليها وغلطت بالكلام بس مافضحتها قدام سلوى،،،
هينا قاطعوني قطيعة تامة ،،، وبدأو يشترطوا عليا وسلوى تهددني وسعاد ساكته،،، قلتلها تفضلي روحي قولي لأمي وابويا عادي مافرقت معايا،،، وجد من قهري وقتها كنت مستسلمه لكل شي الإ انو اخواتي يهددوني
انا تمسكت بخالد ورفضت اي مساومة بعلاقتي فيه،،،وكان عندي استعداد اسوي المستحيل عشان ارتبط فيه،،،،خالد ماعرف الحكاية كامله كنت ارفض ادخل معاه بأي تفاصيل ماادري ليه ماابغاه يحس بالذنب،،،
سلوى اللي ع اساس ملتزمه بدأت تتكلم عني عند مرة اخويا وعند خالتي بلفظ نصه ( انو انا مااحب احد ) طبعا انا مااميل للزيارات مثلها تجلس مع من هب ودب،،، انا لي ناس معينين مو اي احد ارتاح له،، قرايبي فهموها وصاروا يتحاشوني تماماا تخيلي منظري في مواقف كدا،،، سعاد كمان قالت لمرة اخويا انو انا ماوقفت معاها بزواجها *ااااااااه والله لو مالله ثم انا ماكان تزوجت بيوم صح مااعطيتها فلوس كاش بس اهديتها هدية محترمه وقفت معاها بيوم الفرح تخيلي انا اللي صورتها فيديو بكاميرتي والله انا جهزت لها كل شي بذوقي وشغلي والمشاوير انا قضيتها بنفسي يوم الزواج جهزت لها طاولة الاستقبال بنفسي والزفة من إلي كانت ترتيبي وحده من اخواتي يومتها مانزلت عن الكوشة ترقص وسلوى خجوله جدا وماتسوي شي بس جالسه مع بنات خالتو،،، وامي ماتعرف شي،،، كنت انا اللي شايله الليلة ام واخت وعامله ومصوره بنفس الوقت،،، والله كرهت اسوي معروف لأحد بعد اللي سوته فيني،،،، لما يجيبوا سيرتها احس قلبي بيطير من مكانه من كثر ماكرهتهااااا*
ولدت سعاد ومازرتها ولا عبرتها لما رحت الحج همه رجعوها ليه ماباركو لي ولا تكلمنا ،،، قبل اسبوعين كانت القاصمه رجعت سلوى لزوجها بعد طلاق 6 سنوات ،،، وانا ماحضرت وهذا السبب خلى اقرب اخواني ليه وصديقي وحبيبي يقطع علاقته فيني مو لمشكلة بيني وبينه بس عشان سواد عيونهم
خالتو اانا مااقدر افضحها وانا عاهدتها على كتم سرها مع اني هددتها كذا مرة بس ماسويتها بس هيه مو مخليتني مرتاحه بحياتي ،،، لما اخويا يجي يكلمني انا اسكت زي الصنم ،،، وهمه يقولوا سوت وقالت وفعلت وانا حتى دفاع والله مااقدر ادافع عن نفسي،،، اخويا هادا له فضل كبير عليا وماانساه وماازعل منه مهما صار،،، لكن موجعه كثير ببعده،،، قبل يومين كان فيه فرصة وظيفيه لو كان جنبي ماخلاها تفوت عليا،،، وكان هوه بنفسه يوديني ويجيبني.... لكن للأسف،،،
سعاد تزوجت حبيبها وخلفت ووظيفتها تنتظرها في بوتيك ام زوجها بااقرب وقت يعني عايشه مثل الأميرات،،، سلوى رجعت لزوجها وعايشه مستقره،،، واخواني كل واحد شق طريقه وانشغل بحياته،،، وخالد راح بسبيله،،،وانا يدي على خدي انتظر ،،،،
__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg