نفس الكلمات اللي تنقال لي بل و البعض يقولها بكل صراحة من الخبل اللي طلقك و اسمع كﻻم كثير مثل كذا

بس تظنين اني اهتم ..! أبداً وﻻ على بالي لان كﻻمهم يا اختي ما يقدم النصيب وﻻ ياخره

مفروض لما تسمعين زي كذا تزيد ثقتك بنفسك و تنبسطين انك انسانة بشوشة و شخصيتك مطلوبة بين الناس

الكﻻم لما تسمعينه اذا كان سلبي ﻻ تفكرين فيه كثير و انتي بقدرتك بتفكيرك تستطيعين تحولينه لايجابي يرفع من معنوياتك

فيه بعض الناس تقول ﻻ تسمحين ﻻحد يتكلم معك كذا و انقال كثير .. طيب انا هل عندي قدرة على غلق افواه الناس

ترى حتى الجبابرة و اللي شخصيتهم قوية يتعرضون لكلمات تهزهم من الداخل لكن كان لهم ردات فعل أيحت للمتحدث أنهم ما يهتمون

عشان كذا صار عندهم الامر عادي و ﻻ يؤثر عليهم أبداً أبداً .

شوفي اختي ابقولك عني انا زمان كنت اتاثر مثلك لكن بعدين سويت طرق تعامل كثيرة فيه اللي مشى و فيه اللي انفهم غلط

يعني مافي شي ثابت و إذا مرة مرة ساءت معك تقدرين تقولين ياجماعه ستوب مااحب الكﻻم في المواضيع هاذي

انا واجهت ناس من اقاربي و مجتمعي كلما شافوني الله يعوضك و كاني اشتكيت او كأني تالمت من وضعي

مع اني انخطب و ارفض و يدرون بس تتوقعين وش تفسير دعواتهم هاذي ..!

فضول و ثرثرة ما منها فايدة يا انها تبي تتلقف و تعرف وش جديدك أو كيف نفسيتك تجاه الموضوع هذا

يا اما انها فعﻻ حزنانة عليك و تبي لك الخير

طيب اذا كانت فعلا تبي لك الخير هل هذا اسلوب ايجابي لكي تدعمني به .... ﻻ طبعاً

هل فيه فايدة من ردي عليها ... اكيد

ﻻن على حسب الاجابة راح تتكلم معك

فنصيحة لك يا اختي اللي يتكلم معك كذا او يبدأ يسأل اسئلة ﻻ تروق لك

حولي دفة الحديث له و اسأليه بدل ما يسألك

انا كذا ارتحت مرررررة و اتقيت شر الطفيليون من حولي

ﻻ تتأثري بكﻻم يوديك ورى ... حافظي على توازنك و نفسيتك اهم شي انتي و غيرك مو مهم

الله يسعدك و يوفقك

__________________

‏
الوعي هو الملاذ ..

أستغفر الله العظيم ؛
( الفردوس غايتي )