انا عكسك تزوجت صغيرة و فعلا كنت راسمتها النهاية الجميلة لكن إرادة ربنا غير

الحمد لله على قضاؤه و في كل شي خير ﻻزم نتأكد من الشي هذا.

الحمد لله فرحتيني لما قلتي ماعاد يعني لك شي لان هذا اصعب شي لما تقنعين وحدة بإنسان تبيه

انتي عاقله الله يحفظك تنشدين استقرار و مسؤلية و هالشي من حقك كإنسان

كلنا نشبهك و مين ما يبي استقرار يا متفائلة

على بالك كل الناس مرتاحه بحياتها والله مافيه كماال مريح الا ما تتكدر من هنا وﻻ هنا

مدري وش اقولك ﻻنها فعلا فعلا مسألة وقت ياخيتي

ذكرتيني بنفسي زمان كان مافيه شي يقنعني و ابي اتزوج يعني ابي اتزوج رغبتي كانت طاغيه على كل تفكيري

تدرين اني الحين احمد ربي الف مرة اني ما تزوجت ذيك الفترة وربي بدون مبالغه

فترة الطﻻق فتحت عقلي و كبرتني اكثر من فترة الزواج برغم ان مدة زواجي 8 سنوات و عليها

بس كنت منغلقه عن الكل و منغمسة بمشاكلي فقط .

الطﻻق تعلمت منه حاجات كثير نضج تفكيري اكثر و الحمدلله نعمة من ربي

متفائلة اطلعي من جوك و غرفتك ﻻ تخلين تفكيرك في احتياجاتك فقط

عندك والدين فكري بهم

سوي لك مشروع تجاري ادخلي فيه

انشغلي بعبادة تخليك فوووووق

سوي لك برنامج على مدار اليوم قسمي ساعات يومك على أشياء مفيدة تنفعك

اي فكرة توديك للماضي او المستقبل اطرديها

فكري بس في وقتك الحاضر و عيشي اللحظة

التفكير بالماضي يغم القلب و التفكير بالمستقبل يجيب القلق والخوف

صدقيني بيجي اخر اليوم تلقين نفسك مجهدة و تنامين سريع

و يمر الأسبوع و تنشغلين و تمر السنة و تفكيرك كله يتغير

ادعي كل يوم الصبح دعاء الهم انا من تعودته ارتحت و وكلت امري لخالقي يديره

__________________

‏
الوعي هو الملاذ ..

أستغفر الله العظيم ؛
( الفردوس غايتي )