رد : زوجي مقدرته المادية ضعيفة وقد تعطلت سيارته فهل اساعده ؟
واللهِ الحياة ماتستاهل كل هالحيرة خصوصًا مع زوج طيب يحترمك ويقدرك ويحبك
تفداه فلوسي وعيني وكلي
صدقيني الرجولة والمبدأ اللي عنده ماراح يتغير لأنها طبيعة نفسه وأنتِ جربتيه بموقف وشفتي كيف
الرجل مو طفل في هذا الموضوع يعتمد ويتكل ومايرعي
بالعكس مادامه رجل بمعنى الكلمة وقفتك معه بيتزيد محبته لك وتقديرك لأنه بإختصار رجل عاقل فاهم حسب كلامك
كل شي معه راح ينعكس عليك وعلى أولادك بكرى
المال وسيلة وليست غاية
ومادام عندك وسيلة تفك أزمة أقرب الناس لك ليش تترددين ؟
بيقولون لك طيبة ويمكن ساذجة بكرى بينسى بيتزوج عليك ووو
هذا شي بعلم الغيب ويخصه هو وأخلاقه ، تعاملي معه وأنتِ تبحثين عن الجنة
رضى زوجك بيدخلك الجنة وش تبغين أكثر من كذا ؟
مالك ماراح يتوقف لأنك تعملين يعني اللي بيروح بيتعوض إن شاء الله
لاتفكرين كثير ووقفي مع زوجك باللي تقدرين عليه مادامه طيب ويستاهل .