تجاهل أخوات زوجي لي واهتمامهم بسلفتي
أهل زوجى يفرقون بينى وبين سلفتي في المعاملة
هى من نفس عائلة أم زوجى وانا من عائلة أخرى ( صرت أتضايق كثير لما أروح لهم فى جمعتهم...سلفتى تتواصل معهم بشكل أسبوعي ودايم تسافر مع أخت زوجى ) انا علاقتى مختلفة أروح لهم بين فترة واخرى ...لكن ما اقطع فيهم ابد واحترمهم لما أزورهم ما يتكلمون معاي إلا قليل وعلى قد الموضوع زي المجاملة لي والصمت والهدوء فى الجلسة لكن مجرد ماتدخل سلفتى الثانية يبدأ الكلام والإزعاج والضجيج والترحيب فيهاااا وحتى لو كانو معها وفتحووو مواضيع ادخل انا اشارك بالكلام معهم مايعطونى وجه يسترسلون معها هى بالحديث عن نفس الموضوع زي اللى يحسونى إحنا مع بعض وانتى غريبة ليش أنا مو كرسي ولاطاولة ولا بدر منى شى غلط حتى بنتى لاحظت هالشى فى زيارتنا لهم تقول ماما محد يكلمك أرحمك إنتى مسكينة تحاولين اتدخلين نفسك فيهم حتى سلفتى نفسهااااا ماتكلمنى ابد إلا إذا تحدثت معها فقط ماعمرها بادرت بسوالف ودايم لما أجى فى جمعتهم أخت زوجى وسلفتى طول الوقت أحاديث جانبية مع بعضهن بعض حتى لو كنا احنا 3 فقط واعرف الحديث مو عنى لكن عيب مو أخلاقيات المسلم هذي انا اكره الأحاديث الجانبية وأحيانااا تكون سلفتى جنبي واخت زوجى جنبي اكون انا بالوسط بينهم وكل الحديث موجه طبعا لسلفتى الأخرى وأحيانا أخت زوجى تحط يدها على خدها تريد ان تقول لها شى من بعيد بالسر مثل حركات الابتدائي والأطفال مثلا المزحة بينهم او شى من هالقبيل
مع العلم إني مرحة وكلامى حلوووو واكلم خواته بأسلوب جميل جدا
ومرة أخت زوجى الكبرى ( كنت أرسل لها مسجات على الواتس ..ابارك للعيد او أي شى او برودكاست عادي استغربت منها تقول لى من معاي ؟ الرقم طلع عندي بدون إسم ؟ كيف رقمي بدون اسم؟؟ حتى لو كانت مغيرة مثلا جوالهااما اهتمت توضح لي السبب ليش رقمى مو عندهااا أصبحت مع الجميع رسمية جدا ولا أبادر بأي كلام ولاشى وطلبت من زوجى أسلم على امه وابوه فقط وقت الصباح اوالظهر
التعديل الأخير تم بواسطة روح المساء ; 03-01-2014 الساعة 12:56 AM
السبب: العنوان وإزالة إشارات الإستفهام وتعديل الخط والعنوان ليناسب النص