منتدى عالم الأسرة والمجتمع - عرض مشاركة واحدة - عندك نصيحه للزوج من واقع حياتك الزوجيه و الأسريه

29-12-2013, 03:12 AM

عاشقة القهوة

قلم مبدع

تاريخ التسجيل: Dec 2013

المشاركات: 2,478

رد : عندك نصيحه للزوج من واقع حياتك الزوجيه و الأسريه

ان شاء الله الأعضاء الكرام يجاوبون

بما يفيد

من خبراتهم الجميله

رح ابدأ انا من وجهة نظري << اذا ضايق احد الموضوع ياليت تذكر ذلك عادي نكنسله

كيف يختار شريكة حياته و على أي اساس

انا من ملاحظاتي

انه الشخص يبحث عن القنوعة

القنوعة انسانه ساميه جدا

تعين و تعاون و هدفها انشاء اسرة بإذن الله

قد يتبادر الى الذهن انه القنوعه لآزم تكون فقيره او من عائله على قد حالهم

ترا مو شرط

مو هذولا الناس اللي بيرضون بإي شي <<ممكن العكس

القناعه هي من الداخل و القناعه كنز لا يفني

ممكن تكون وحده بنت عائله عندهم خير و شافت انواع الدلال

لكنها قنوعه :14:

النقطه الثانيه اشوف تقارب سن الزوجين افضل يعني اكبر او اصغر بأربع سنين

ما في ذاك الإختلاف اللي يخليه يحاول ينزل لعقلها و مستواها

او هي تحاول و تجتهد تطلع لنفس مستواه * اشوف هذولا الشيئين مهمين

كيف يعاملها

معاملة لا فيها شده و أمر و كل شي على كيفه

و لا يترك كل شي ما يكون عنده رأي يعني

ضروري يتفاهموا

و تكون فيه نقطه وسط بينهم يتلاقوا فيها

كيف يتعامل مع اهلها

اهلها انا اشوف كرأي شخصي

انه يعاملهم بحدود

يعني ما يكون فيه بينهم ميانه

لكن يكرمهم طبعا

هذولا اخوال اولاده

كيف ينظم الميزانيه و مصروفات البيت

الميزانيه من الأساس ممكن تكون مضروبه عشان ديون الزواج مثلا

لكن الأولويه اذا فيه ديون هو لتسديدها

و بعدين السفر

<< ما اتوقع احد بيوافقني الرأي

و طبعا مبدأ مد لحافك ممتاز جدا

كيف يتعامل مع المتغيرات

بالصبر و التفاهم و عدم الجفا

كل مشكله ان شاء الله و ليها حل

و اخيرا كيف يتعامل مع نفسية الزوجه و تقلباتها العاطفيه

لو فيه على ملامح الزوجه كل ملامح الغضب و الإمتعاض

معناها يا ضغط من شغل البيت و الأولاد

يا زعلانه منك

يا تقلبات هرمونيه

فأنت حاول تعرف السبب

اذا من شغل البيت < ساعدها الرسول صلى الله عليه و سلم كان يعمل في مهنة اهله

و ما فيها شي اذا قلت لها اتركي الولد عندي و روحي نامي

و اذا زعلانه منك << اكيد لو اشتكت لك و فضفضت بترتاح

انت اسمع لها بس و لا تبرر

و بعد ما تخلص كلللللللللللللللللللللل الشحنه اللي في قلبها

ديك الساعه وضح لها الصورة بعقلانيه

يعني لا تبرر و تهاجم و تتحسس من البدايه

اتمنى يعجبكم الموضوع و تدلوا بدلوكم