تعرفون مرض المفآجئه او المدآهمه أو التغير السريع ايوه ايوه التغير السريع انسب شي ؟!
اكيد لا لانه مو معروف بالاوساط العلميه
بس انه عندي نعم ي ساده انا اول عينه مصابه به لحد يجي يقول حتى انا انا اول من تكلمت عنه
اوقات اكون راااااايقه واخلاق وذربه وبسم الله علي وش زيني
في خلال جزء من الثانيه أكتئب وأحزن وأعصب ومااا أخلي أحد بحآله
وكمااان فيه مرض ثاني اسمه تشقلب المشاعر
هذا ي طويلين العمر كيف طريقته
اذا كان فيه مصيبه حلت عليكم تكون الوحيد الهادي واللي مو فارقه معه
وبالوقت اللي يكون فيه فرح ووناسه تصير متنبئ بمصيبه في الطريق وتقعد خايف منها
المشكله فين تقع ليت الوقت اللي يضيع بالخوف يجي شي وراه لا ولا شي خرطي بس كذا
لا اللي انبسطت مع الناس ولا اللي راح خوفي بفايده
عاد في ظل الظروف اللي احنا فيها عادي عندي خايفه قااد النمله الصغيره مره گأني ودي أخاف
بس معيي الخوف يخوفني زين
وفيه مرض ثالث هو نزاع القلب والعقل
دايم قلبي هو الواطي
قلبي مافيه احساس بالمرررره مو مره مره شوي بس لا حب ومدري وشو زي الناس ولا خوف زي الناس
ولا تفاعل مع الناس زي الناس
حمد الله والشكر وربي اذا احد يبكي قدامي اضحك اضحك بعدين تدمع عيوني بعدين ابكي والناس تخلص بكا
وتنسى وانا باقي استيعاب متأخر
الموهم ان مثلا عقلي يقولي والله مالك داعي حسي بالوضع الخطير اللي انتو فيه
وقلبي يقول اذا عطيتك وجه قابليني
ويسحب فيني ويسحب فيني ليييييييين اوصل لحد أحس بخنقه وضيق بالتنفس
ومدري اشسمها ذيك اللي كاني ماكله والاكل ناشب بحلقي بس مو ماكله
شي بس في شي بحلقي يخنقني
وعاد ادور البكا دواره ما اقدر ابكي ما عااااد تنزل الا دمعه دمعتين وخلاص
ما تريح لازم بكوه قووووويه تطلع كل اللي بمخي
ومعها اكتب كل اللي بقلبي هنا وبعدها احس اني غبيييييييييييه ورى كتبت
هالتفاهه
وش الطاري لهالكلام اللي كتبته لاني اشوف الحاله ذي بتجيني في الطريق
ياهي بااااايخه وتقهرر