رد : (مميز) زوجة معدد؟ ...... تفضلي
هلا مهره يسعدلي صباحك متابعتك من فترة بس مكسلة اعمل دخول جنوبية خخخخ
الحمد لله على السلامة
فرحت بتطورات موضوعك
مهرة كل ما كان تفكيرك ايجابي كل ما جذبتيه لك وانت اللي كسبانة في الاخير
والله طلعتي خطيرة ومو هينة ههه لما عملتي حركة التلفون والاتصال فيه
شوفتي كيف لما شغلتي الخيال والايحاء والايجابية عندك كيف انت اللي انتصرتي
مهرة لازم ننسى الاشياء السلبية ونركز على الايجابية بحياتنا
مثلا ظلي احكي مع حالك انا عندي زوج رائع وممتاز وبيحبني ومش مقصر علي
وبيتمنالي الرضا لحتى ارضى
كل ما كان تفكيرج ايجابي كل ما جذبتيه لك وصرتي انت اقرب وحدة له
لانه انت شغاله على العقل الباطن عنده وطاقتك قوية في الجذب
بتلاقيه لا شعوريا اتصل عليك يسلم
او فاجئك بسهرة حلوة
او هدية غريبة ما كنتي متوقعتها
كل ما كان تفكيرك ايجابي راح يميلك لك بقوة
فهمتي علي صح
شوفي راح احكيلك شو صار معي الحمد لله اموري تغيرت تماما
النكد تركته
المعاتبة تركتها
ليش خنت وتزوجت نسيتها تماما
تجاهلت انه هو متزوج علي تماما
ركزت على نفسي فقط وكيف اسعد نفسي وكيف استفيد من وراه
وفلوسه اللي بيصرفهن على الثانية بيته واولاده اولى فيهن
خصوصا انه 15 سنة واحنا بغربة ولسه ما عنا أي شي
غيرت سياسة التعامل معاه نهائيا
تجاهلت وجودها بحياتنا ولا كانه فيه وحدة ثانية بحياتنا
ركزت على شخصيتي وكيف اطورها
بالقراءة بالتعلم والثقافة والتقرب من الله
استعنت بالله يسرلي الاسباب
ارسله مسجات
السرير بعدك بارد
البيت ما لو طعم من دونك
الاولاد بيسئلو عنك << ولا دارين عن هوا داره
ليش بس تكون معي الوقت بسرعه بيمر
ما بحس بالوقت وانت معي
شغلي الايحاء عندك راح تبدعي
كل ما تعاملتي معاه على اساس انك الوحيدة في حياته وتجاهلتي وجود الثانية كل ما سيطرتي عليه بتفكيرج الايجابي
تعاملي معاه على انه انت فقط اللي موجوده وعايشة معاه
اوعي تعطي مجال للشيطان ينكد عليك ويذكرك بالثانية
اتذكري ايجابياته ولانه زوج كويس مثل زوجك حرام نخسره
بدي احكيلك عن تجربة
الرجل مخه مثل مخ الاطفال بكلمه حلوة بتجيبي راسه وبتضحكي عليه
والله يا مهره ما بدي اكتب شي ممنوع لكن حتى على مستوى العلاقة
قبل لا يروح عندها بيبدء يحكيلي تعبان او حاسس جسمي تعبان
او مش قادر
انتي فهمتي عليه اكيد شو بقصد
انا عرفت انه بدو يوفر طاقة للثانية علشان يروح ينبسط معها
لكن والله اشتغلت على الايحاء الايجابي والخيال الجنسي
والله ما اخذ معي غير خمس دقايق خخخخ واخذت حقي منه ثالث ومثلث
تذكرت كلامك وانا معاه خذي حقك منه ثالث ومثلت
وتذكرت كلام ناعمة الهاشمي احلبيه علشان بس يروح عند الثانية يكون حيله مهدود خخخ
بس بعطيكي مثال لشو عملت معاه
بحكيلو شو رايك تعملي مساج لظهري وبدي منك تظغط في اصابعك 00000
طبعا هو بس سمع الكلمة هاي ما ضل عنده مخ مسكين خخخخ
حكيتلك ما اخذ معي خمس دقايق
بتعرفي ليش لانه تفكيري ايجابي والايحاء صرت شاطره فيه اضف الى الكلام الج0000
والخيال بيلعب دور كبير
من يومين مثلا اتصل علي
هو الو
انا هلا وغلا
هو كيف حالك
انا عرفت انك انت اللي متصل لانه التلفون نور فجاءة
هو وينك
انا جو قلبك هههه
المهم شغلي الخيال عندك والايحاء راح تبدعي معاه
مهرة انت بتعرفي من يومين كان فيه عنا اجازة بأبوظبي
الاربعاء هو اجازة انا حكيت لازم استغلها احسن استغلال
الثلاثاء رتبت البيت ونظفته كامل وكنت مبخرة البيت ومحضره العشا في الليل
اتصل علي يوم الثلاثاء وهو راجع من شغله
هو بيحكيلي شو برنامجكم لبكرة الاربعاء
انا بحكيلو شو رايك بتحب تتغدا في البيت او نطلع ابوظبي نتغدا في مطعم حاتم في الماريينا << حالفة يمين الا اخسره
وبعدين نروح انزور اختك 0000
قالي والله فكرة حلوة خلص بكره باذن الله
المهم قمت الصبح عملت قهوة تركي وفطور خفيف وكنت طبعا لبس حلو وعطر وميك اب خفيف
جلست جنبه بدلع وصوت واطي ونظرات البرائة خخخ
فيه لي صديقة وجارة من البيت القديم هو ما بيحبها نقلت بيت جديد وبدي اجيبلها هدية لبيتها وناوية اطلب منه يجيبيلي شي لبيتها
بحكيلو 00000 جارتي فلانه نقلت بيت جديد وناوية اشتري فنجانين قهوة وكاسات عصير لانه ما عندها
قالي ليش فنجانين وكاسات خذي شي حلو وراقي حكيتلو مثل شو
حكالي خذ طقم صحون كرتون كبير او شي كهربائي للبيت قصده خلاط او
بحكيلو والله فكرة حلوة بس ما كنت حابة اغلبك
وفعلا رحنا ابوظبي وغدانا بمطعم وبعدين رحنا زرنا اخته الكبيرة
ومرينا على الجمعية وشريت طقم كرتون كبير صحون اكل بكل الاحجام
صحيح طلع بمية بس احسن من الفناجين والكاسات الرخيصة المهم اني خسرته خخخخ
مهرة قصدي من الكلام كله اللي فوق انه زوجي كان بيكره جارتي ومو طايقها وكان يحاول يبعدني عنها
لكني جيته باسلوب المدح والنفخ والايحاء الايجابي
وقدرت بقدرة الله انه اخليه يجيب لي هدية لبيتها