رد : عدم عدل زوجي بيني وبين زوجته يتكرر
موهبة
انت تقولين انه مب حاسب حساب لزعلج
يعني تعتقدين انج بالعصبية والملاسن راح يحسب حساب لزعلج ؟!
علشان اوضح مقصدي أكثر
أنا ما كان قصدي انج تكونين رومانسية معاه وهالسوالف لان انت تقولين انج طبقتي هالكلام ومافاد
مع انه الواقع وبشهادتج تقولين ان ريلج تحسن يعني فاد معاه اللي كنتي عليه قبل
بس بالنسبة لي
اللي قصدته انه يكون بيتج جنة بالنسبة له
هدوء احترام كلمة طيبة تفاهم
مش لازم تعاتبينه
ممكن تعقدين معاه اتفاقيات بهدوء
مثلا يراسلها جدامج
اسكتي لحظتها وبعدين بلحظة هدوء وصفاء بعد ما يكون فترة لا بأس بها مرتاح من جهتج اطلبي منه بحنية وعتب رقيق انه مايراسلها جدامج
او حاولي تشغلينه بشي يحبه
صدقيني العصبية بتستنزف روحج
وكل هذا راح ينعكس عليج كأم وكزوجة وبالتالي ينعكس على اسرتج
مشكلة بعض زوجات المعدد انها تاخذ الامر بشكل ندي
مايراسلني جدامها خلاص ما يراسلها جدامي
العين بالعين
وما تفترض انه يمكن بيكون
هناك اعتبارات عند الزوج تخليها بموقع مثابرة
بعدين
هو بالاساس ما يروح عندها الا لقضاء وطره
يعني متى بيراسلج ويكلمج جدامها ؟!
فكري بعقل يا موهبة
صدقيني لو هديتي في اسلوبج معاه مستحيل تكونين خسرانة
سوط العدل والظلم ترى ماينفع مع أغلب الرجال
هم يبون ينفذون بالاقتناع مش بالتهديد
موهبة ما دمتي ماتحبينه فالسيطرة على الامور اسهل
بعكس اللي متعذبة بالحب تعاني في السيطرة على مشاعرها وتفلت منها كلمات
فكري بكلامنا وشوفي اللي يناسبج
__________________
الحمدلله الذي بنعمته تتم الصالحات
