رد : زوجي يطردني من منزلي بعد خلافاتنا
مرحبا خاله بيتا ،، بالعكس أنا مرتاحه بيت اهلي وهم ابدا مو مقصرين
معاي بشي والماما تحب بناتي كثير بس أنا متوتره وعايشه ب قلق
لأني مو عارفه على ايش ناوي زوجي ..
وما راح اخبي عليكم تعلقي بزوجي رغم كل شيء ولا اعلم السبب ..
عندي فوبيا من الطلاق لدرجة ما اقدر اوصفها
تذوقت مرارة الطلاق ب زواجي الأول والحين ما أبي يتكرر معاي هالشي
أكيد اي وحده مجربه او مرت ب تجربتي راح تتفهم هالشي ،،
أختي ندى صراحه لما طردني عرض علي انه يوصلني لبيت أهلي بس أنا رفضت
من كثر القهر .. مره من المرات صارت مشكله كالعاده وطردني وقال أنا بوصلك
ولما نزلت وفتحت باب السياره منعني اركب جنبه وقال اركبي وراء ،،
وقتها حسيت ب أهانه و ذل وقهر من هالتصرف ..
زوجي فيه صفات ايجابيه وحلوه بس عيبه المكابره والعناد وسوء تدبيره للأمور وقت المشاكل