صباح ليش تبكين؟؟؟؟

وش اسوا شي ممكن يصير لك؟؟

الم؟؟ من خوفك وتوترك وشدك لعضلاتك واعصابك ..

حمل؟؟ روحي دكتورة وخذي احتياطاتك

قرف؟؟ اطلبي من زوجك قبلها يستحم ويتنظف وجهزي له الملابس اللي تحبين تشوفينها عليه واعتقد انه بيتفهم



وزي ماقالولك الحل بيدك مشكلتك بنفسيتك وتفكيرك ..

اول شي ولادتك مو ذنب زوجك .. هذا قدرك من ربي وانت اقدمتي عليها باختيارك للزواج .. الهدف من الزواج الذرية وتكوين اسرة

ولو الولادة مو صعبة ما صار اجر الام عظيم وحقها بالبر ضعف حق الوالد ثلاث مرات ورضا الله مربوط برضاها

تاملي وضعك واحمدي ربك .. انك بصحتك وعافيتك وربي رزقك بطفل سليم وزوجك معك ويحبك

تاثرتي من الم ولادة لساعات شوفي اللي كل اسبوع بالمستشفيات يغسلون كلى .. شوفي اللي يمشي الكيماوي بدمهم
شهور وتروح نضارتهم وتطيح شعورهم وصابرين ومحتسبين


احمدي ربك .. لان دوام النعم بالحمد ..

احمدي ربك

جداتنا اول يجيبون عشرة ومايعيش الا نصهم .. واذا الوحدة بغت تولد طلعت البر ولدت نفسها ونظفت ولدها من غير بنج ولا مغذيات ولا مطهرات واذا خلصت رجعت شايلته بين يدينها

لا تحاسبين زوجك واهلك لانهم تاركينك بمستشفى مجهز باحسن الاجهزة اللي تراقب وضعك ووضع جنينك .. اي خطر عليك بدقايق يلحقون عليك

يختي الحريم اذا جتهم الولادة راحو بسكات وماعلمو احد .. عشان ما يشغلون الناس معهم لان ماحد بيده شي يسويه .. الحمد لله يكفيك دعائهم لك بالتسهيل ورحمة وربي اللي كانت معك

لا تضيعين اجرك واصبري واحتسبي .. المؤمن لا يكون جزوعا .. الوحدة تنسى الم الولادة بعد ما يطلع الولد سبحان الله ويجيها احساس كبير بالراحة وترجع تحمل بعدها بسنة ولا كانها شافت شي

انتي ما نسيتي لانك مشغلة نفسك بالتفكير
..

انسي اللي راح وانشغلي باللي جاي ..

ربي عطاك زوجك حلالك عشان تستمتعين فيه ويستمتع فيك

لا تضيعين شبابك واحلى سنينك مع زوجك .. بسبب افكار سلبية

اهتمي بنفسك تجملي زي كل البنات اللي بعمرك ..

وعيشي رومانسياتك مع زوجك .. خليه يتهنا فيك

ابدي تهيئي نفسيا استرخي واستعدي له على مهلك كانك عروسه .. جهزي العصير او عشا خفيف بالغرفة .. حطي ورود وشمعات تفرجو على فلم.. واستمتعي انتي واياه بالاجواء الهادية الحلوة..وانتوا قراب من بعض .. واذا رجعت لك الهواجس والمشاعر السلبية صديها هذا ابليس بيخرب عليك حياتك

تقربي انتي منه .. وتذكري اول ايامك معه .. كيف كانت حلوة .. واقنعي نفسك انه ايامك الجاية احلى

حتى لو كان الموضوع صعب عليك .. اصبري وحاولي مرة ورا مرة .. لا تقولين اغتصاب .. لا تخلينه ياخذ شي غصب عنك .. انتي قدميه من نفسك وعديه جهاد .. وشوفي كيف الامور بتفرق معك

فكري بزوجك حبيبك سعادتك .. شوفي الحب والفرحة اللي بعينه مسكين .. وحني عليه .. كل شي بايدك انتي

حاولي تغيرين افكارك ونظرتك للامور وبتشوفين كل شي صار اسهل واحلى


وصدقيني ما راح يتغير بحياتك شي الا لما تغيرين افكارك