يا حبيبتي الله يعينك على ما ابتلاك

ما اعتقد احد يقدر يعطيك القرار الصح .. القرار يعتمد عليك .. على قوة قلبك وايمانك وطول نفسك


كلام العقل يقول

وضعك مثل اللي دخل الاسهم بكل ماله

احتمالات الخسارة والربح متساوية

اما تطلعين بسرعة باقل الخسائر

او تقوين قلبك وتتوكلين على ربك وتغامرين براس مالك في معركة اصلاح زوجك وتكونين كسبت راس مالك وفوقه ارباح مضاعفة من الاجر والخير


كلام القلب

آوتش الخيانة توجع ..

بس هذا زوجك حبيبك أولى الناس بمساعدتك ووقفتك معه ضد شيطانه



وطالما ماعندك منه اطفال وهذا زواجك الثالث .. ليه ما تصبرين وتحاولين اكثر

تذكري ان القلوب بين اصابع الرحمن يقلبها كيف يشاء من حال الى حال وان امره سبحانه ان يقول كن فيكون

انا ما اقول اصبري واسكتي .. اقول تمسكي وحاربي بكل قوتك مستعينة بالله وقوته وليكن سلاحك ايمانك وثقتك بربك

تخيلي اجرك وقد جاهدتي واهتدى زوجك على يدك .. تخيلي اجرك وقد صبرتي على كل هذا الالم بايمان ورضا واحتساب


الله يفرج همك ويربط على قلبك ويسددك لفعل الصواب