رد : من جديد مشاكلي مع زوجي والعلاقه الخاصه
انا رجعت البيت بدري،،
وكتبت له بمسج اني تعبانه اليوم..
وكنت ابكي بالغرفه مثل الاطفال..
تفاجأت انه طالع من دوامه وراجع البيت..
لقيته بوجهي وانا ابكي..
كان خايف يقول فيك شي؟ اخذك طبيب؟
قلت لا لا مافيني شي والله
قال ليه تبكي ووجهك احمر كذا..
قلت له متضايقه شوي..
وألح علي وحلف اقول له..
وقلت له امس كنت تعبانه واحتجت تضمني..
عصب علي وقال بس هذا اللي مزعلك!!!
يقول انتي كنتي ماسكه جوالك ولاحبيت ازعجك
بعدين عصب علي.،
يقول انا طلعت من بريك الدوام وجيت اطمن عليك..
ماهان علي اتركك وانتي تعبانه.. خفت رجعت لك الحراره
ويقول ليتني صدمت ومت بالطريق احسن لي..
ليتني ماجيت وشفتك كذا تبكي..
حرام عليك ياشيخه
ورجع دوامه وتركني..
ماادري ليه رجع وليه جاء
وليه الموضوع تعقد كذا
والله ماكنت ابغاه يشوفني بهالحاله
لكن هذا اللي ربي كاتبه..
علما انه اول ماطلع من البيت
ارسلت له مسج.. كتبت فيه:
شكرا حبيبي انك جيت تتطمن علي
واعذرني بس كنت متضايقه شوي
في شغلات استحي والله اطلبها منك
وانت انسى اللي صار
واذا رجعت ماكأن صار شي
ما ادري اللي سويته صح والا غلط
انا للحين مصدومه من دخلته علي