زوجي متعلق فيني...اللة يكون في عوننا
اعزائي اعضاء المنتدى
انا كتبت مشكلتي لكم قبل هالمرة وغبت فترة ولمى رجعت مالقيتها ولا لقيت الرد عليها
وكانت بعنوان زوجي متعلق فيني...ولكن
الحين راح احكي لكم المشكلة باختصار وكلي ثقة اني راح القى الحل المناسب
مشكلتي باختصار تكمن في تعلق زوجي الزائد فيني!!! يمكن تستغربون لكن هذي هي الحقيقة
انا وزوجي نحب بعض من قبل الزواج وكنت حاسة بتعلقة الغريب فيني من ايام الخطوبة لكن حسبت ان هذي اول ايام بس
لكن استمر ت هالحالة للحين ,ماراح اقول لكم اني مني مبسوطة أو حتى زعلانة..بالعكس انا احبة فوق ما تتصورون..لكن المشكلة انة تعلقة فيني يزيد كل يوم ومنعني من ممارسة بعض واجباتي تجاة اهلي...لأن احنا_انا وخواتي_نسافر عند امي شهر كل سنة وطبعا ازواجنا ما يكونون معانا عشان ظروف الشغل
هو في البداية يوافق اني اسافر لكن بمجرد مرور يومين او ثلاثة بس يجن جنونة ويصير في غاية العصبية ..واحيانا ما ياكل ولا يحلق ذقنة لفترات طويلة !!!أخوانة قالو لي ان شكلة يصير كأنة مسجون..وانا احس بذنب كبير لمى أسمع هالكلام لكن في نفس الوقت انا عندي واجبات تجاة اهلي وما أقدر اخليها
الحين انا مع اهلي لكن متضايقة ونفسياتي زفت وقلقانة علي مرة
وأجازتي ماراح تنتهي قبل 3 أسابيع
لكن هو لازم يتعود ويراعي ظروفي ..ما أدري شسوي ساعدوني اللة يرضى عليكم
واسفة لأني طولت عليكم
أختكم\ربا الصادق