رد : زوجي تركني عند اهلي بسبب خصامه مع والدي( مستجدات في الرد 82، 216، 228،
اختي هداك الله كيف ترضين على نفسك تتكلمي عن زواج ثان وانتي بعدك على ذمة رجل .. مو حلوة في حقك .. والمفروض حبيبتي ما تعطين مجال للحريم يتدخلون أو يناقشون موضوعك عادي .. وتتكلمي باللي تفكري فيه يختي خليك غامضة واخفي مشاعرك بكرة إذا وصلت له الأخبار يبذلك أكثر ..
واياك تأخذين قرار الرجوع بنفسك وتبادرين إنتي وخاصة بعد رسالتك له .. خليه يعمل لك حساب ويفهم انك هالمرة غير وهو اللي عليه يتغير .. وإذا تريدين الصراحة أنا ما أحسه بيتغير لأنه إنسان شايف نفسه طبيعي ومو حاس بأغلاطه والمصيبة انه عائلته شكلهم هذا الطبيعي عندهم ..
وانتي يا لارا كان الله في عونك .. إنسانه عاطفيه جدا مو معطية مجال لعقلك انه يفكر وقلبك هو المسيطر .. وبصراحة من اللي اشوفه انتي مو مقتنعة بالانفصال وما راح ترتاحي إذا تطلقتي بالعكس يمكن تتعذبي أكثر ..
نصيحتي لك الزمي الاستغفار وداومي على قيام الليل والدعاء في سجودك والله يفرج همك وييسر أمورك ..