منتدى عالم الأسرة والمجتمع - عرض مشاركة واحدة - مشاعر الكره و الإحباط تجاه اهل زوجي

01-02-2014, 05:58 PM

#14

عاشقة القهوة

قلم مبدع

تاريخ التسجيل: Dec 2013

المشاركات: 2,478

رد : مشاعر الكره و الإحباط تجاه اهل زوجي

اقتباس:

المشاركة الأصلية كتبت بواسطة *سر الحياة*

وعليكم السلام ورحمة الله وبركاته ..
مرحباً بالحبيبة الغالية هبة ..
أريد أسألك سؤال ؟!
هل أنتِ ساكنة معهم ولو بعيدة عنهم كم مرة تذهبين إليهم ؟!
بإنتظاركِ ..

انا ساكنه في نفس المربع السكني بيني و بينهم 3 بيوت

و لكن يا اختي سر

ليست المشكلة في القرب الا تؤيديني المشكله في النفوس !!

في البداية كنت اروح لهم بشكل دوري اذا ما عندي شغل او غسيل في البيت اروح كل عصرية

و اجيب قهوة و حلا من بيتي

حتى هذي ما يسووها

و لآحظت العلاقه بيننا فيها تعدي و كأنهم يريدوني عجينه في يدهم

انتي شعرك ليش كذا مقصف

هذي الفناجين مو تمام اشتري غيرها

و من هذا القبيل

طنشت

و بعدها فتره بدأوا يقلبون زوجي علي

و ألاحظ لما يروح لوحده يرجع وجهه مقلوب

ايش فيك يا ابن الحلال

يقول : ليش لما كنتي عند امي زعلت منك !!

زعلت مني في ايش << مو راضي يهرج

اروح لها من ثاني يوم

ايش فيه يا عمتي طبعا قالبه و جهها و تكلمني من غير نفس

قلت لها ايش فيه ؟؟

تقول امس و عندنا ناس << قصدها على جمعات بناتها و احيانا يعزمون الجيران او ناس من معارفهم و هذا ديدنهم

اقول طيب

تقولي يقولوا ليش مرت ولدك ما راحت للكوافيرة و لبست شكلها ماهي عروس

هذا و انا اللي قايمة في العزيمة و شكلي جنان

مواقف كثييير صدمه بس حابين اني اكون لعبة في يدهم

اصلا جمعة الناس مفاجأة

و انا لآبسه الحمدلله و متشيكه و ما علي منهم

اما اني اروح للكوافيرة عشان جمعة حريم و ماني عروس لي اربع او خمس شهور متزوجه

طيب

من هذا القبيل لما جبت خدامه ما رحموها << يكلمون ولدهم و لا كأن انا لي أي لزمه

جيب الخدامه تنظف لنا السطوح و جيب الخدامه تكنس لنا الحوش و جيب الخدامه عشان جايينا ضيوف و هم بناتها << يا سبحان الله كيف كانت تصير هذي الشغلات كلها قبل ما تجي الخدامه و طبعا الخدامه تروح لهم من العصر و لا ترجع الا 2 في الليل هذا ان طلبتها

و في النهاية سفرت الخدامه عشان عقدوني فيها بس

طيب على الأقل فوق هذا صيروا ذوق و اخلاق << لأ

بالنسبة لزوجي ماخذ شخصية المسالم اللي ما يحزم معاهم في شي و فلوسه لهم و اكثر شغلاتهم يقضيها و كل شي

و اذا مسكت بيتي و مسكت ادبي قلت له قلهم و الله تعبانه او مشغوله و خففت زيارات

الاقيه حقد علي و تغيرت معاملته معاي و صار قالب وجهه بدون أي سبب

اكلم امي تقولي و الله انك هبله ارضي اهل زوجك و شوفي كيف بيحيك

قلت و عسانه ما حبني !! انا ماني ملزومه بسهراتهم و هماجتهم اتحملها عشان يرضى علي

انا ملزومه بيه و بيبتي و بولدي

قالت لي يا امي عشان الأمور تسلك بينك و بين زوجك بالأول بس

خليه ما يعتبرونك عدوتهم و يحطوك في راسهم

قلت لها طيب

و ضغطت على نفسي هذيك الفتره و اروح لهم << لكن للأسف اللي استفدته اني قللت من قدري ع الفاضي

و زآدت اساليبهم حدة معاي

و انتي ليش ما تحملي ؟ و شعرك مو حلو ؟ و ولدنا يشتكي من الولد انتي ليه ما تنوميه بدري و تنظمي نومه ؟

احملي يالله بسرعه شكلك عويله مو من اللي كل سنه ولد !!

الله يهديكي يا امي

صح انه اتغير زوجي من ناحيتي ,,, لكن انا ايش استفدت

حياتي صارت ليهم !!؟؟؟

مع العلم و الله اني لما اكون منعزله عنهم شوي ولدهم يقوم بكل طلباتهم و لا يقصر عليهم و لا عمري ضايقته

لكن ينكدون ؟؟؟!!! و يجيني قالب وجهه

الآن انا اللي قالبه عليهم كلهههههههم

و قالبه على زوجي كمان و بالطقاق

اذا يبغى يرضى علي ما يرضى علي عشان اهلة رضوا

و مع محدودية العلاقة زااااااااد التوتر

و زاااااااد حرص زوجي على رضاهم

و زاااااااااد يضغط علي عشانهم

بس انا مستقويه

و بدأت اكره زوجي

__________________
[img]http://im78.***********/FRd0Bi.jpeg[/img]

التعديل الأخير تم بواسطة عاشقة القهوة ; 01-02-2014 الساعة 06:00 PM