::: معاً لإيجاد الطرق المناسبة نحو عواطف زوجية غير التصاقية::: للزوجات
السلام عليكم ورحمة الله و بركاته
الاستقلال العاطفي
الحرية العاطفية
اللا التصاقية ( يعني النفسية تكون تيفال هههه)
مااروعها من مصطلحات تدل على عدم صب كل العاطفة نحو الزوج وعدم جعله محور الحياة
ولكن ... مااصعب التطبيق
مشكلة نساء العرب بشكل عام ... من نعومة اظافرنا التوجيه كله مصبوب حول
امتا تكبري ونشوفك عروس متهنية في بيت زوجها
بكرة تتجوزي ... بكرة يصيرلك عيلة وولاد
بكرة بتتجوزي اتعلمي شغل البيت
بكرة بتتجوزي باطباعك هي مابتفلحي
بكرة تتجوزي و حماتك تشوف تصفيط غسيلك وتفضحينا هههه ( قالتها لي امي و تزوجت ولا شافت حماتي تصفيط غسيلي المخزي ولا غيره ومازال ترتيب الغسيل ماساتي التي لا تحل ولا تنتهي )
المهم
دائما وابدا
هذا البكرة مش مرتبط الا بالزواج والزواج والزواج
اعذر وبشدة هوس المتاخرات بالزواج ... اغلبهم يعني عشان لاتنطلي هلأ وحدة من الحبيبات تقلي
انا مش مهووسة ومش فارقة معي 
المهم ياجماعة الزواج كويس و حلو و مهم جدا للبنت
بس مش كل شي بالحياة
والقصد من كل كلامي انو برمجة مكثفة للبنات من الصغر انو زوجك وحياتك الزوجية كلشي
ولهيك بنطلع مهابيل بازواجنا
عاملينه محور بنلف حواليه
وبالاغلب كل عواطفنا مدلوقة عليه 
ونتعلق بازواجنا بشدة وشكل كبير جدا
ودايما التعلق بشخص او شيء معين بحد ذاته يجعل الانسان يتعب كثيرا
لانو كل شي بصير مربوط فيه
فان كنتم سعداء يافرحنا ياهنانا
وان كان في نكد تظلم الدنيا و تسوووووووود
اتكلم عن نفسي ... انا من النوع المهووس ههههههه
والله الحمدلله الهوس متبادل ولكن الرجل يبقى رجل وغيييييييييير عنا طبعا
يشتغل ينتج يعمل يخرج ينزل يحل مشاكل يمارس كتير امور في حياته
وبس انا اخترت اني مااشتغل عشان خاطر ولادي واتفرغ لهم ولزوجي ولانو خبرتي ماتسر حبيب ولا عدو ماحد حيشغلني اكيد خخخخخ
فانا في البيت
ورسالة الزوجة والام كتير حلوة
ولكن اتعبني و عذبني التصاقي عاطفيا بزوجي
للاسف اتكلم في المواضيع عن التحرر العاطفي وانا افتقر له جدا لانو التطبيق صعب صعب صعب
في احد المواضيع الي كانت بتسال عن غموض زوجها
و تفلسفت عن الحرية العاطفية وردت اعتقد سر الحياة تقلي يعجبني التفكير المتحرر
المسكينة ماعرفت اني لزقة بغراء
مممم صراحة قلبي تعب ... كل مشاعري و قلبي متعلق بزوجي بطريقة زيادة عن اللزوم
اشعر فعلا بكل معنى الكلمة اني بدونه بموت مع انو مافي حد الواحد بموت من غيره
دقات القلب بس توقف بس بنموت
ونهاية العالم في ضياع الدين والاخلاق غير هيك لا نهاية للعالم
ولكني في موجات الخلافات مثلا او بعض التأرجح الزوجي
اشعر بالضيااااااااااااع لتخيل اني ممكن اعيش بدونه مثلا او فرضا ماعدت على خير
ورغم مرور 7 سنوات لازلت اعيش في دوامة
لسة بحبني ؟؟؟ ليكون بطل يحبني 
وزوجي بشد شعره بقلي بعد 7 سنوات وكل الي صار ومرينا فيه ووو الخ الخ
لسة بيخطرلك هالسؤال الاهبل
ورغم كل مااثبته برضو لسة بتشكي؟؟؟
احيانا تلاقوني فعلا متازمة
في موجة خلافات مثلا او امر مهم نمر به
تلاقيني متازمة وابكي و زوجي يحاورني اقله خايفة تبطل تحبني او تتخلى عني
للاسف عندي ازمة ثقة و هوس العيش وحيدة وبعد الناس عني
من طفولتي وانا هيك رغم اني عشت طفولة مستقرة ومامريت بازمات اسرية ولا عاطفية
مابعرف شو هادا
انا حكيت كتير .... الخلاصة تعبت من تعلقي الزائد بزوجي
لدي مواهب كثيرة
لدي مخ نظيف
لدي الكثير من الكتب والكثير الكثير لانجازه على مستوى المنزل و الحياة الاسرية و تربية اطفالي
مقصرة في كتير امووور
ولكني لااقدر انجز لانو عايشة في دوامة زوجي وبس
تعبته ... بقلي بحس عندي 4 اطفال مش 3
دايما بقلي انا بحسك لسة طفلة امتا ممكن تكبري مابعرف
تعالو نتكلم عن اساليب فعلية لتخفيف هالتعلق الاهبل
لاني متاكدة انو هي مشكلة الكثير
والمبالغة في الشيء سيئة وانا المبالغة من عيوبي بشكل عام في الحياة
وخاصة في الامور النفسية والعاطفية ...
كما قلت كان حلمي زوجي و حين تحقق صار امتداد الحلم واقع مش عارفة اتعايش معاه بسلام
((( مسكينة مش مصدقة حالي ههههههههه )))
للزوجات ... تعالو نتعلم يمكن نفلح
نكون مستقلات والزواج شريك وليس كل الحياة
وانو نتعلم نسعد حالنا من غير مننتظر الزوج
يعني ماتكون السعادة معلقة فيه
تكون طالعة من جوانا
لانو مافي شي بهالدنيا ثابت ... والسعادة الي تنبع من الناس بتروح وبتيجي
بس الي بتنبع من الداخل بتضل بالاستعانة بالله والقرب له
والي حابب يفيدنا يتفضل
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة ملَك شادي ; 01-02-2014 الساعة 10:00 PM