اخوي بصراحه انت غلطان و متعلق بوهم
دحين لما رفضوك اهلها هذا قدر مو عشان أي سبب زي سبب الجنسية و اعتراضهم عليها
و الحب اللي بينكم ما يشفع لإستمرار العلاقه
حب هذا حب << تعرف ايش يعني حب
الزواج محتاج لنضج و تحمل للمسئوليه و حب
ربي بيختار لك الأفضل
و انت تبغى تضيع نفسك بيدك
ثق في الله
و صراحه انك تكلم وحده و تتعلق بيها هذا ذنب
لأن ممكن ما تكون خير لك اصلا
و ما تكون من نصيبك
وحده قريبتي اتعلقت بواحد من قرايبنا ايضا و كانت تحكيلي قد ايش انها تحبه و من غير ما تكلمه ايضا
و تدعي ليل و نهار و نهار و ليل انه يكون من نصيبها
بس ما صار من نصيبها لأنه مو خير لها
و دحين بعد سنين آمنت بأنه ربي اختار لها الأفضل و عايشه سعيده مع زوجها
:14: