يا هلا ويا غلا بحلم الغالية على قلبي ،،،

وينك يا بنت من زماااااان عنك وحشتيني حييييل..

دوبي انتبهت لموضوعك وبغيت أطير من الفرحة .. ودايم على بالي وأفكر فيك .. واقول يا ترى وينها، اسأل الله اللي جمعنا في هالمنتدى يجمعنا في جنات النعيم آميييين يارب..

وش هالأخبار الزينة ما شاء الله ..الحمد لله انك تجاوزتي الامك واحزانك وهذا العشم من إنسانة رائعة وقوية زيك ،، وعلى فكرة انا على اني تزوجت بس ظليت حبيسة الماضي الى وقت قريب والحمد لله انشغلت بدنيتي وما عاد عندي وقت اساسًا عشان افكر في أمور راحت ...

تصدقين عاد قبل 10 ايام تقريبا كان زواج بنت جيراننا .. ظلت 4 سنين متملكة على ولد عمها والمفروض زواجها منه يكون الصيفية اللي فاتت بس أتأجل لين شهر 3 من السنة هاذي ،، في رمضان صارت مشاكل وانفصلوا .. ذو القعدة انخطبت ،، وتحدد الزواج شهر 3 في نفس الموعد اللي كان المفروض تتزوج فيه من ولد عمها،، فرحت لها كثير .. ودعيت لك معها انت وأخواتنا بسمة ورنا وميسم وغرور من كل قلبي بالعوض الصالح ..

الحياة فيها تفاصيل حلوة كثيرة جدا ،، ومرحلة الطلاق اكتشفت بعد زواجي انها افضل وأحلى مرحلة ممكن الانسان يتعلم منها ويعيشها وينهض من جديد ،، ويتحفز للنجاح وأحلى ذكرياتي كانت في فترة طلاقي ، تدريسي لطالبات الجامعة اول مرة وأكمالي للدراسة وأشياء حلوة كثير صارت لي وعلاقات رائعة كونتها وغير كذا كشفت ناس كثير على حقيقتهم ،،
بس اني قتلت جمال ذيك الفترة بزعلي وحزنني على شي اكتشفت بعدين انه خيرة لي ...
قتل جماله شعور الكآبة لمن اشوف اللي تزوجوا معي عايشين ومخلفين وانا فشلت في الحفاظ على زواجي ..
احس الان اني اكثر خلق الله حظا مو لشي يميز حياتي ،، لأني اكتشف ان اي حدث سيئ يحصل لي مع الوقت تتضح لي أشياء نافعة وجميلة من وراه...

اسأل الله لك التوفيق والسعادة ،، و ما يفارقك شعور الفرح ابدا ..

ممتنة لربي اني شفت اسمك اليوم في المنتدى ❤️