مشكورين جميعا
اعذروني ما اقدر ارد على كل رد
لكن كلكم افدتوني جزاكم الله خير

انا كلمت المستشار وقدم لي نصايح كثيره
قال ان ذهابي لاهلي يومين مو غلط
حتى اغير جو وارجع فريش لبيتي
لكنه قال الغلط اني طلعت وزوجي مريض
ونصحني ارجع بكرا
ولو سألني زوجي عن سبب رجعتي بسرعه
اقول له اني ما استغني عنه وعن البيت
طبعا انا استصعبت هالشي
وقلت للمستشار ممكن زوجي يحس بضعفي
قال هذا المطلوب!
وقال لي الرجل يفرح اذا زوجته ماتستغني عنه
ويكره المرأة اللي تظهر له انها مستغنية

بخصوص المشكله والاهانه
نصحني المستشار بعدم معاتبه زوجي هاليومين
يقول عاتبيه بعد كم يوم افضل
قلت له كيف؟
قال: قولي له فلان انت صحيح نظرتك فيني كذا وكذا؟
بهدوء ودلع.. واقول له انا اتأثر بكلامك لانك حبيبي
يقول المستشار الرجال هنا بينحرج وبيقول انتي تاج راسي

انا صراحه ماظنيت يقول كذا ههههه
المهم
انا عملت قبل شوي تمارين استرخاء
واحس مزاجي صار احسن شوي


المستشار حذرني من البعد ايام
وحذرني اعاتب زوجي بالتلفون او الواتس اب
قال انتبهي انتبهي انتبهي
وفيه شغلات ثانيه نصحني فيها
من بينها: اثقلي
يقول لاتخنفين زوجك بالحب والاهتمام
خليه يفقد اهتمامك من وقت للثاني