المشاركة الأصلية كتبت بواسطة سهر الشام90

طول ما انتي بعيدة عنو

واهلو قراب منو ما رح يغير موقفو لانو زوجك شخصيتو ضعيفة و كتير بيتاثر

واكيد اهلو طول الوقت عمبحرضوه عليكي و على اهلك

الطلاق ما بنصحك فيه ابدا .. عنا متل شامي بقول زوجك غيرتيه .. بس حظك ما غيرتيه

يعني ما تفكري انو ازا تزوجتي غيرو رح تعيشي بسعادة ..

انتي حاليا ام صارت حياتك رهن لابنتك

العبي لعبتك و حببي زوجك بابوكي و ابوكي بزوجك

كل شي بايديك

حسب دراساتي الاجتماعية الطلاق آفة على المجتمع و متتبعاتو لا تعد و لا تحصى مو بس عليكي .. حتى على بنتك بالمستقبل و على اطفال بنتك..

شوفي لارا مدة اربع اشهر كفيلة لتعرفي مدى تاثير اهل زوجك عليه ..

و ازا كنتي ناوية ترجعي و تكملي معو لا تستني اكتر من هيك..

بجوز اهل زوجك يلعبو بعقل زوجك و يزوجوه و يخلوكي انتي معلقة و تضيعي سنتين من عمرك محاكم
لانو واضح اهل زوجك ما بخافو الله و ممكن يعملو اي شي

انتي ازا حابة ترجعيلو ففكري بمنطق انو انا بدي ارجعلو منشاني و منشان بنتي .. حتى لو هو رجال مو كفو ولا بيستاهل .. بس انتي التضحيات الي بدك تضحيها منشان بنتك اولا .. ومنشانك تانيا .. مو منشانو لانو هو ذكر وليس رجل .. كتير من خصال الرجولة بتنقصو

فكري منيح بس لا عاد تنتظري اكتر من هيك لانو صار مدة كبيرة و ازا كبرت المدة اكتر من هيك حتى لو كان بحبك رح ينساكي على البعد و الجفا

بس تاكدي من شي واحد انو زوجك بحبك حب حقيقي