بقول لك تجربتي
انا وحده ضنيت العالم كلها تحب الا انا
كنت اضحك على قصص الحب والمحبين
الا ان جاء ذاك اليوم الي تزوجت حبيت زوجي من كل قلبي
اول مره اجرب شعور الحب والحمدلله انه كان بالحلال
لكن كان حب من طرف واحد ماحبني ولا بغاني وباعني بسهوله
كان قلبي يعتصر شوق ابي اشوفه
ابكي ليلي ونهاري
فقدت الاشياء طعمها لونها
ماعاد البس واهتم ماعاد شي له اهميه
ذليت نفسي وكلمته سمعني اسوا كلام
مع هذا ماكرهته
ولا لوم النفس كان رهيب كنت اسهر ليالي اشوف وش اخطيت فيه
حسيت بحال الي ينتحرو والحمدلله ايماني قوي ماوصلت لهالمرحله
بس حسيت ليه هم يعنلو كذا
دخلت باكتئاب شديد ماعاد اهتم بلبس ولا اكل
الحب شين وصعب
بعد سنه راح هذا كله نسيت حبه وانتهى
الغريب اني مااكرهه ولا احبه الحين
مااحمل مشاعر له ابد
زعلانه لاني مطلقه زعلانه لاني كنت احلم ببيت واسره وطفل
بس واثقه ان ربي بيعوضني خير وبتكون هالتجربه اعظم تجربه لي
وتعلمت منها
اول شي استغفر ربك عن مماكلمتك لها بدون عقد شرعي
ثاني شي ثق ان الالم بينتهي
كنت احط كمادات ثلج علو قلبي عشان يخف الحرقه الي فيه
والحين نسيت الحمدلله وكل شي انتهى واي شخص بيكتبه ربي باذن الله ماراح اتذكر طليقي لاني نسيته
اخي وضعك ارحم اولا انت خلصت من شي حرام
ثانيا رجل تتزوج اي وقت
ان شاءالله عقب ماتنسى تبدى حياه جديده
ومانت الوحيد واجد حبو وافترقو وعاشو حياه احلى
الفراق صعب ومؤلم بس ينتهي هالشعور ينتهي