رد : انا وزوجي والمرض والجحود
فعلا زوجي يبي له طناش
لكن انا مشكلتي حساسه ودمعتي سهله
حاولت اغير نفسي ماقدرت والله
اذا احد زعلني اتضايق وابكي
الان في شغله محيرتني
محتاجه اخذ رايكم فيها
اذا سألني ابوي ليه مارجعت ايش اقول؟
خايفه اعلمه بالمشكله
لانه حالف اذا جيتهم زعلانه ما ارجع لزوجي
وامي برضو قالت لي ان ابوي شايل عليه
قالت لي ابوك يجامل زوجك عشانك
يعني هالمشكله ممكن تكون القشه اللي قصمت البعير
فما ادري ايش اسوي
صعبه اكذب وانا الحين راح اكمل اسبوع عند اهلي
وبين بيت اهلي وبيت زوجي نص ساعه بس
يعني جلستي غريبه وتثير التساؤل
وابوي مو غبي وبيعرف ان بينا شي
حتى لو قال ماراح ادخل بينكم
لكنه بيكون انقطع اخر خيط بين ابوي وزوجي
هذي اللي فاتت عن بالي للاسف
وزوجي عارف هالشي زين ومطنشني
وعارف ان مامعي اغراض كافيه ومطنشني
ومترددة ارجع البيت اخذ باقي اغراضي؟
اخاف اسويها وتكبر الشغله اكثر واكثر
لان فيه اشياء كثيره محتاجتها ببيتي
لي ولبنتي
اعذروني ازعجتكم
بس ياليت رأيكم على اخر رد
جزاكم الله خير