لاتتوقعون اني صادته او ناشفه معه
لا والله اسولف بالتلفون والعب مع بنتي
واسأله اذا يبي يأكل
بس ما اسولف معه ولا ادق عليه
ولا ادري عنه راح والا جاء
لاني معودته اطمن عليه واضمه الخ الخ
ومعودته ان حدي بالزعل 24ساعه لاني امل بسرعه

لكن هالمره صايره متجاهلته بأدب
حتى القهوه اسويها واحطها قدامه
بدون ما اصب له كل شوي
وصرت انام قبل يجي اغلب الاحيان
واتكلم كثير مع صديقاتي
عادي يعني ما اكتأبت ولا شي


اليوم مثلا قلت له عندي مشوار
قال اوكي.. ورحت معه خلصته
ركبت السياره قلت شكرا.. قال عفوا
وسكتنا
بعدين قال: انا ابي اخذ لي شاورما.. تبين؟
(لاحظوا اسلوب السؤال)
قلت ايه
عطاني الكيس.. قلت يعطيك العافيه
اكلت شوي وقلت: مكثرين مايونيز
(ابي اسولف)
قال: لا عادي.. وسكتنا!


زوجي ماراح يرتاح الا اذا تناقشنا
واضح بباله كلام كاتمه بصدره
لكن انا ما راح اعطيه فرصه يتغدى فيني
باختصار.. هو مسوي نفسه زعلان
وقلت لكم هذا اللي قاهرني