رد : لا اريد خطيبي ولست متهيأه للزواج!!
اقتباس:
المشاركة الأصلية كتبت بواسطة توته10
حبيبتي الله يفرج همك يارب
نصيحتي انك تروحي لراقي شرعي ضروري كتير حبيبتي مشان تطمني
وازا اتأكدتي انه هالشعور الي عم تحسي فيه مو بسبب سحر ولاعين اقعدي قعدة صفا مع نفسك ولاتفكري بحدا اخر ابدا فكري بحالك انتي شو بدك انتي لشو بترتاحي ..
لاتجاملي اي انسان على وجه الارض مقابل مشاعرك
مقابل حريتك
مقابل حياتك
شوفي انتي شو بدك انتي وبس
انا عم بحكيلك هالحكي عن تجربة انا انخطبت قبل فترة واهلي همي الي قرروا عني ولاكأني موجودة خلص عم يحكوا عنه كانه اشي بخصهم كانها هاي مو حياتي!!
ولما اهلي حسوا اني مترددة علطول عبسوا بوجهي ماعادوا يطيقوني تقدروا تقولي كمان قاطعوني !!
انا اولها ماكنت فاهمة شو الي صار كل شي مشوه بسرعة بسرعة
وانا بداخلي صرخة مابدي اياه مو مرتاحة بالمرة ياناس اعطوني فرصة افكر
هالصرخة كانت بيني وبين حالي طبعا ماكنت قادرة اطلعها لبره
وانخطبت وسبحان الله طول خطبتي مشاكل والحمدلله انه ماكان الي سبب باي مشكلة فيهم بالعكس انا كنت بخطبتي متفرجة وممثلة اني مخطوبة ومو حاسة باحساس البنت المخطوبة ابدا
مرت الفترة والله متل الهم كلها نكد وبكى ومشاكل
بس ملاحظة انا خطيبي السابق كان لئيم جدا يعني ماكان طيب وعلى نياته متل خطيبك
اخترت الفستان بدون مااحس انه هاد الي !!
اخترت القاعة وكاني انا وحدة جاية تتفرج ماحسيت باي مشاعر ابدا
هاد كله واكتر من هيك ماكنت حاسة ابدا اني مرتبطة مخطوبة مابعرف كيف اوصفلك بس عنجد هوي شعور بالضياع اكتر من اي شي تاني
وسبحان الله فجأة بدون سابق انذار تم فسخ الخطبة على اتفه الاسباب هيك من الله
بعديها تنفست الصعداء
وبرضو بكيت
حزنت على المستقبل الي كنت راسمته ببالي
مابخبي عليكي الفسخ مو سهل حتى لو ماكنتي بتحسي تجاهه بمشاعر حب
بس النتيجة الي طلعت فيها من قصتي اني آخد قراري بنفسي المهم انا وبس
هاي حياتي
هاد الرجل الي بدي ارتبط معه ويكون ابو ولادي مو من حق اي مخلوق يجبرني عليه
مستحيل اكرر غلطي وترددي مرة تانية
لو فيو مليون عيب وعجبني حوافق عليه بدون تردد
ولو مافيو عيوب وماعجبني مابيهمني رأي غيري ماحدا دخله
تعذبت كتيربسبب ترددي وخجلي ومجاملتي للناس حتى اهلي !!
اهلي على عيني وراسي بس هاي حياتي انا
الله يعوضني بابن الحلال الي تقر عينه فيني وتقر عيني فيه الي يعجبني انا ويملى عيني وقلبي وعقلي انا
ويارب الله ينور بصيرتك ويفرجها عليكي حبيبتي
|
الله يعوضك خيرا منه نفس شعوري الان لا اشعر بشي ولا استمتع بشي واذا فسخت ماعرف ايش حيكون شعوري لكن حاليا احس اني بارتاح حاسه بهم مو طبيعي ابي افتك