جزاكم الله خير جميعا

انا سبب ترددي ان ابوي ولا مره تدخل وعمري ماشكيت له شي على كثر مشاكلنا والموضوع ذا حساس واهلي في الاساس مو مثله شديدين في التربيه ولايسمحون بطلعتنا مع السواق لوحدنا وهو على العكس اهلي جلسو فتره زعلانين اني اطلع مع السواق وقالو عيب عليه يخليك بنت بلحالك تروحين بس انا كنت امشي الموضوع وابردهم واقول عادي وهو مشغول مره ولايقدر ولاشي

مع انه الان متقاعد وفاضي ويقدر يلاقي وقت لطلباتي ومو من كثر مشاويري بس عاد فيه ضروريات وفيه بعضها ترفيه وزيارات
هو حاط انه ماقصر ولامنعني عن الطلعات ووفر لي سواق وانا بالنسبه لي اطلع معاه حتى لو نادرا ولااطلع مع غيره انا اخاف كثير وحساسه من موضوع اني اروح بنت وصغيره لسه مع سواقين ماعندي الشجاعه والقوه اللي تكفيني لو صار شي ادافع عن نفسي

وزي ماقالتم اخاف اسكت وتصير السالفه براسي لو سكرو وتهجمو علي او صلحو حادث وانا معاهم سمعتي بتروح اقلها اللي بيشوف الموقف بيقول بنت مع سواق سكران

انا احضر حفلات وزواجات واروح خوالي وارجع بالليل ع ال 12 تقريبا لو جاني وكان سكران وصار شي اول من يسحب علي زوجي بيحط اللوم علي واني انا اللي طلعت

وهو ماهمه الا نفسه يعني قبل شوي اقوله عندي اوراق بصورها عشان تقديم على وظايف قال بعد العصر اطلعي مع السواق قلت يابن الحلال انت ماتفهم ولاتستحي خلاص انت خلص مشاويري قال ماعاد باقي الا اروح للمكاتب اصور واظبط اوراق انا بفلوسي شاري راحتي وخليك حرمه كيف تربين عيالك وانتي خوافه كذا

مره محتاره اخاف يتكلم ابوي ويفشل ابوي وذي قهر بحقي اخاف يقول خلاص انا بسفرهم وبحل المشكله وهو بطبعه كذاب ولاينفذ كلامه ويفشل ابوي واخاف يقول ذا شي خاص فينا واخاف يرجع علي وينكد علي بزود

واخاف مااتكلم والموضوع مو سهل واصير انا الضحيه

وعلى فكره اذا سكرو مايكونون بلحالهم يكون معاهم هنود ثانيين يعني يجتمعون خمسه او سته بغرفتهم مره ماني حاسه بالامان


واللي يقول صوري صعبه كيف اصورهم ولا امسكهم وابلغ ذي فضيحه اكبر وهم معاي عادي محترمين بس تصرفاتهم مو طبيعيين بس ماقد تجرأو علي واصلا لو وصلت لكذا لايمكن اسكت لو اذبح زوجي واذبح سواقينه

انا خايفه توصل للدرجه ذي ان احد يتهجم علي وهو مسافر وقتها وش بيكون موقفي قدام عياله واهلي وقدامه هل بيصدق انهم هم سكارى وفقدو ولابيقول بنت واغروها السواقين وانا كبير

بيتي مو مأمن مطبخي خارجي ومعاهم مفتاح الشارع عشان لاطلعت من البيت يدخلون احيان للمخزن يحطون اغراض لزوجي وبيتي دور بس ممكن ينطون وممكن يدخلون هم او يتفقون مع اخوياهم

ياربي كل شي فكره فيه ماعاد مخي يستوعب حامل ومهدود حيلي وهو لايستحي ولايخاف من ربي علينا حنا بذمته