رد : اتمنى تجاوبني يالرجال..ومايمنع دخول النساء
اول شيء امنا خديجه رضي الله عنها كانت من اكابر التجار صحيح !
طيب
الان انا من الرجال الي احس ان الزوجه لازم يكون لها انجاز في حياتها مثل ما انا ابغى يكون لي انجاز ..
لو حبت تعمل مشروعها الخاص او كانت لديها موهبه مثل التصاميم وحبت تعمل محل تصاميم وديكور ..
ولو كانت رسامه وحبت تعمل معرض للرسم .. كل هالامور اعتقد ورجال كثير نعتقد انه حق للزوجه والمفترض الزوج يدعمها ويساعدها تكبر .. ترا هذا المفترض وهذا الصحيح .. وهذا الاصل بالموضوع
اما النظره المحدوده لبعض الناس احترمها لكن تعتبر مجرد مبدا في عقول بعض الناس ..
اعطيك مثال بعض الناس ينظر للمرأه الي تشتغل بمستشفى مثلا انها من اسوأ الناس ..
نظره محدوده بصراحه ..
الان بعض الناس ينظرر للتجاره انها بتكون امرأه متسلطه واسلوبها سيء وتحاول السيطره بالقوه ..
وتحتك بالرجال بأشكال مختلفه ..
وهنا تخسر انوثتها !!
كلام مو منطقي ونظره قاصره ..
ترا كل احترامي لجارتك هذا رأيها ونظرتها ونصيحتها ..
بس لازم ناصل الامور ومانسمع اي كلام ومانمشي على اراء الناس ..
انتي تعملي بمجال نسائي والحمدلله ناجحه وخدمتي مجتمعك ورفعتي رصيدك المادي والمعنوي وكبرتي حالك بحالك ..
وين الغلط بالموضوع ..
اتذكر مره حضرت دوره شهيره في جده لشخص اسمه الخبير بابحر اذا سمعتوا عنه ..
هذا اشطر عقاري على مستوى المملكه حاصل على جوائز عديده .. وحاصل على جوائز على مستوى الشرق الاوسط ..
والله كنت جالس ماني فاهم شي والنساء ماشاء الله ادب ودين وذكاااااااء غير طبيعي
وبعض الناس يملكون اساطيل وبيوت وقصور تاجرات وعقاريات ..
والبعض ازواجهم معانا وهي طبعا بقسم النساء ..
خلووونا نتحرر شوي من النظرات المحدوده العقل متى يتحرر !
الله يوفقك خيتي ويزيدك يارب ..