مكان ودي اذكر قصتي لك ، اخاف عليك تشيلي هم فوق همك
واحسني الظن بالله ولاتخافي على اجنتك ان شاء الله هم بخير
وادعي ربك في كل وقت وكل حين .
بسم الله ،
اول حمل لي ، مريت بتجربه صعبه جداً تعب قلبي واعصابي تلفت من بعد ماخبروني ان الجنين مهوب طبيعي
طبعاً كنت حامل في بنت اول اربع شهور ماقالو لي شي كنت اسوي سونار ويقولو زي الفل طبيعيه

وصلت السابع اكتشفو ان راسها موب طبيعي
وحجمها صغير عن عمرها
خوفوني وبكيت وبكيت ليييين نشفو دموعي
ويوجعني قلبي اكثر اذا حسيت بحركتها ابكي اكثر ، <<< حركتها ماشاء الله كثيره

انا كنت راضيه ومؤمنه بقضاء الله وقدره
وكنت اقول لا مراح يصير شي هم غلطانين

سوو لي الانتراسونار وطلع فيها القلب وتشوهات ثانيه مثل الحنك فيه شق والرئه تعبانه و قلبها جداً تعبان
وقال لي الدكتور
يمكن فيها متلازمة باتو
واخذو مويه المشيمه
كنت مثلك خايفه موت .
انتظرت التحليل وحسبي الله عليهم ضيعوها تعبت وقلت خلاص اذا ربي كاتب شي راح يصير
مااخفي عليك اني تعبت نفسياً وابي ادفع دم قلبي حتى اعرف ايش في بنتي
وهل بتعيش او بتموت هل كلامهم صدق او كذب
رحت كالعاده لموعدي وقالو خلاص بنولدك
خفت واجلتها لأسبوع حتى ادخل لتاسع ...

لكن امر ربي مكتوب ، ولدت وماتت والله يجعلها شفيعه ويعوضني ربي خير منها

__________________